Bobonaro, 12 marsu 2026 - Ministériu Edukasaun ne'ebé lidera husi Sua Exelénsia Ministra Edukasaun Dra.Dulce de Jesus Soares ho Sua Exelénsia Sekretária Estadu Ensinu Sekundária Jerál no Ensinu Sekundária Tékniku Vokasionál Sr. Domingos Lopes Lemos kontinua reorganiza sistema administrativu husi nivél nasionál to'o Munisípiu sira, atu nune'e bele garante kualidade edukasaun iha Timor-Leste.

Iha intervensaun Sua Exelénsia Ministra Edukasaun Dra.Dulce de Jesus Soares iha vizita ofisiál husi Sua Exelénsia Primeiru-Ministru Kay Rala Xanana Gusmão iha Munisípiu Bobonaro hatete, agora dadaun Ministériu Edukasaun koko reorganiza sistema iha Ministériu kona-ba sistema administrasaun eskolár, jestaun eskolár nomós rekursu umanu.

"Ida-ne'e esforsu ne'ebé Ministériu Edukasaun halo, soke dala ruma sei hasai hosi nia zona konfortu, maibé ida-ne'e esforsu ida -ne'ebé ami tenki halo atu nune'e bele hatuur sistema edukasaun ida loloos iha Timor-Leste", dehan SE. Ministra