Asuntu : Konstrusaun Eskema Irrigasaun Galata -Venilale atinji ona 99% Baucau (6/9/2025), Ministru Agrikultura Pekuária Peska no Floresta vizita konstrusaun eskema irrigasaun Galata -Venilale hodi haree dereta progresu kontrusaun ba eskema irrigasaun ne’ebé mak atinji ona 99% no tempu badak sei halo inagurasaun ba Eskema Irrigsaun refere. Ministru MAPPF Marcos “ MAMETA” Da Cruz iha entrevista katak, projetu konstrusaun ba eskema irrigasaun Galata ne’e tuir tékniku atinji ona 99% no 1% ida ne’e hanesan halo kompleta de’it buat balun ne’ebé mak presija atu aumenta no hadia ne’eduni Ministériu Agrikultura koalia ona ho kontratór nomós konsultan sira banhira mak atu bele inagura eskema irrigasaun refere. Eskema irirgasaun ne’e kobre Postu Adminitrativu tolu hanesan Venilale no Waibobo Ossu no Baucau Villa, iha semana idakka rua nia laran kompañia finaliza hotu ona Ministeríu bele halo ona inagurasaun tanba konstrusaun irrigasaun ne’e remata tuir durasaun ne’ebé mak determina iha kontratu. “ Governu liu husi Ministériu agradese tebes ba komunidade no autoridade postu no suku sira ne’ebé mak durante ne’e kolabora ho diak hodi servisu ba konstrusaun irrigasaun bele lao ho diak tuir nia tempu”. Tenik Ministru. Iha fatin hanesan, konsultan ba Projetu Irrigasaun Galata ne’e esplika progresu ba konstrusaun remata ona maibé sei hadia buet balun ne’ebé mak presija duni atu hadia ne’eduni iha fula setembru ne’e nia laran projetu atinji ona 100% maibé tuir lolos projetu ne’e remata iha fulan agustu maibé labele tanba ho razaun área ba kanál irrigasaun luan liu neduni presija ema ne’ebé mak servisu fisiku tenki muda ba mai maibé iha fulan Setembru ne’e iha failansu kiik sira bele hadia hotu ona. Alende ne’e Xefe suku Watu-Haco Crijossimo Coreira realsa, eskema irrigasaun ne’e kobre iha suku tolu iha Venilale mak hanesan, Watu-Haco, Bahamori no Baduho inklui mós Waibobo Ossu no Baucau villa neduni hamutuk ho komunidade sira agradese tebes ba governu ida ne’e tanba bele ona konstrui irrigasaun iha área ida ne’e atu nune’e ba oin komunidade sira bele halo natar fila- fali tanba durante ne’e área barak mak sei abandona tanba be la sufisiente.
Data Publica : 09 Sep 2025
Descrisaun :