Dili, 17 Marsu 2026; Vise-Ministru Fortalesimentu Institusionál Saúde (VMFIS) Sr. José dos Reis Magno no Vise Ministru ba Operasionalizasaun Ospitál (VMOH-sigla portugés) dr. Flavio Brandão Mendes de Araújo halo despedida ba Bolseiru Medisina Espesialista Na'in-7 ba kontinua estudu iha Nasaun Fiji, iha salaun Palácio das Cinzas.

Bolseiru hirak ne’e ba halao estudu iha Universidade Nasional Fiji ba tinan akademika 2025-2026, ho programa estudu hanesan; Medisina Espesialista Emergencia, Medisina Espesialista Cirurgia Geral, Medisina Espesialista Cirurgia Oral, Medisina Espesialista Psiquiatria, Medisina Espesialista Anestecia, Medisina Espesialista Pediatria, Medisina Espesialista Oftalmologia.

Programa Bolsa Estudu ne’e organiza husi Ministériu Saúde ho INAP no hetan finansiamentu liu husi Orsamentu Fundo de Desenvolivimento do Capital Humano (FDCH) hodi reforsa rekursu umanu ho kualifikadu iha setór saúde, haktuir ba planu prioridade Governu Dá-sia no nesesidade estadu Timor-Leste.

Serimónia despedida ne'e partisipa hosi Diretór Ezekutivu Fundu de Dezenvolvimentu do Capital Humano (FDCH), Júlio Aparício, reprezentante INAP, no mós konvidadus relevante sira seluk.