Liquiça, 10 Marsu 2026; Vise-Ministru ba Operasionalizasaun Ospitál (VMOH-sigla portugés) dr. Flávio Brandão Mendes de Araújo akompaña hosi Diretór Gerál Ospitalár dr. Raimundo dos Santos, hala'o vizita traballu ba Servisu Saúde Munisipál Liquiça, hodi halo enkontru ho Diretór ho nia estrutura hotu SSM Liquiça nian kona-ba asesmentu ba fatin estabelesimentu kuidadus Paliativu ne'ebé estabelese iha Munisípiu Liquiça no haree oinsá halo funsionamentu ba sentru saúde no mós ba fatin sira-ne'ebé ladún uza iha Liquiça ba programa saúde.

Iha vizita ne’e atu alínea ho programa governu nian oinsá kuidadus servisu paliativu no suportivu sira, atu suporta di’ak liu taan, oinsá alarga servisu sira hodi atende maluk sira-ne’ebé mak pasa sira-nia moras, no wainhira sira moras tenki pasa sira-nia moras ho dignu.

"Kuidadus paliativus ne'e fatin ida hanesan kuidadus ba ema ho moras króniku sira no moras ne'ebé presiza suportivu nune'e iha ospitál sira pasiente sira-ne'ebé haruka fila ba sira-nia hela fatin maibé ho kondisaun la favoráveis entaun sira-nia fatin mak iha paliativu", dehan VMOH

Aleinde ne'e, VMOH akompaña hosi Diretór Gerál Servisu Ospitalár, Diretór SSM Liquiça ho nia estrutura hala'o mós vizita ba fatin estabelesimentu kuidadus paliativu, ne'ebé dadaun ne'e utiliza hela ba sala internamentu hodi halo atendimentu ba pasiente sira.

Ministériu Saúde identifika ona espasu ba kuidadu paliativu no suportivu iha rejiaun tolu hanesan rejiaun leste, oeste no norte.

Iha vizita ne'e Sua Eselénsia enkoja no fó mós orientasaun ba prezidente Konsellu Administrativu no funsnionáriu sira hotu hodi serví no servisu ho profisionál.