DÍLI, 21 Marsu 2026: Sekretáriu Estadu Asuntu Toponímia no Organizasaun Urbana (SEATOU), Germano Santa Brites Dias, hamutuk ho Ministru Obras Públikas (MOP), Samuel Marçal, akompaña Primeiru Ministru (PM), Kay Rala Xanana Gusmão, halao vizita hodi haree direta kondisaun infraestrutura bázika iha área Bekae, suku Lahane Orientál, Postu Administrativu Na’in-Feto, Munisípiu Dili.

Iha vizita ne’e, Governu liuhosi PM Xanana Gusmão, MOP no SEATOU, fó ona atensaun ba preokupasaun hosi komunidade sira iha Bekae kona-ba kondisaun estrada ne'ebé difikulta sira nia movimentu durante ne’e.

Iha terenu, akompaña hosi Xefe Suku Lahane Orientál, Xefe Aldeia sira no komunidade Bekae, no mós hetan seguransa hosi Polisia Nasional Timor-Leste (PNTL).