Dili, 19 Marsu 2026

Governu Austrália liuhusi Embaixadora Australia Caitlin Wilson deklara selebrasaun loron nasionál Australia, hanesan momentu importante hodi hametin parseria entre rai rua ne'ebé harii bazeia bá solidariedade durante tinan barak nia laran.

Iha serimónia loron nasionál austrália nia ne’e marka prezensa mós husi Prezidente Repúblika, José Ramos-Horta, Ministru Transportes no Komunikasaun, Eng.Miguel Marques Gonçalves Manetelu, membru governu, korpu diplomatiku sosiedade sivíl no entidade estadu sira.

Serimónia ofisiál ne’e abertura husi Xefe Governu , J. Ramos-Horta no Embaixadora Caitlin Wilson.

Iha nia diskursu Embaixadora Caitlin Wilson, hateten governu australia kontinua hametin parseria ho governu Timor-Leste liu husi involve aan iha projeitu espansaun no dezenvolvimentu Aeroportu Internasionál Prezidente Nicolau Lobato Comoro Dili, aleinde ne’e mós hametin parseria ho governu Timor-Leste iha area saúde no edukasaun.

Xefe Estadu José Ramos-Horta subliña parseria entre rai rua ne’e ne’ebé signifikadu husi "Parseria Foun bá Era Foun", kuadru estratéjiku ida ne'ebé foin estabelese hamutuk ho Primeiru-Ministru Anthony Albanese. Parseria ne'e foka bá pilar vitál tolu: pás rejionál no Timor-Leste nia dalan atu sai membru ASEAN nian, prosperidade ekonómika liuhusi kooperasaun iha projetu sira hanesan Greater Sunrise no hametin ligasaun institusionál sira.

Xefe estadu mós hato'o agradesimentu kle'an bá apoiu istóriku Austrália nian, hahú husi Funu Mundiál Segundu to'o misaun estabilizasaun tinan 1999 nian no presta omenajen bá sidadaun australianu barak ne'ebé oras ne’e dadaun kontribui bá dezenvolvimentu nasionál Timor-Leste nian.

https://sdi.gov.tl/ministerio/presrealease/create 

𝐌𝐞́𝐝𝐢𝐚 𝐌𝐓𝐊