Iha serimónia ne’e, hetan partisipasaun mos husi Sr. Roberto Martins, reprezentante DFAT, reprezentante xefe departamentu reintegrasaun, Sra. Maria Angela, inklui instrutor sira husi MINTRAC.

Iha diskursu, aleinde kongratula partisipante sira, Diretor Jerál mós husu ba partisipante sira atu “uza sertifikadu ne’ebé sira simu ne’e atu kontinua atualiza sira-nia perfil ida-idak, no kontinua mós buka oportunidade atu haklean liu tan abilidade ne’ebé hetan ona, inklui mós dezenvolve liu tan kapasidade komunikasaun iha lian Inglés, hodi bele prepara an di’ak liu tan, no nune’e bele compete ho di'ak bainhira partisipa iha teste sira ne’ebé empregadór sira halo iha futuru.”

“Liuhosi programa ida-ne’e, ami hetan koñesimentu no abilidade barak kona-ba indústria prosesamentu na’an, hahú husi prepara animál iha kampu to’o slaughtering no oinsá atu halo konservasaun. Ami mós aprende oinsá uza ekipamentu ho efikásia, inklui uzu apropriadu ba ekipamentu seguransa saúde hanesan luva, máskara, roupa protesaun no ekipamentu seluk iha fatin servisu. Aleinde ne’e, treinamentu ida-ne’e ajuda ami mós aprende ona oinsá hela no servisu ho susesu iha Austrália,” dehan Octavio Mendonca, reprezentante partisipantes.