23 Marsu 2026: Ministra Saúde (MS) dr. Élia A.A. dos Reis, SH partisipa iha Serimónia Lansamentu Relatóriu Ekonómiku 2025 no Diálogu entre Governu no Setór Privadu, ho Tema Prinsipál “Timor-Leste Dalan ba Setór Privadu, Lidera Kresimentu Ekonómiku” Iha Sentru Konvensaun, Dili.

Lansamentu relatóriu ne'e Lansa Direita husi Primeiru-Ministru (PM) Kay Rala Xanana Gusmão, akompaña husi Vise-Primeiru-Ministru, Ministru Koordenadór Asuntu Ekonómiku (MKAE), Ministru Turizmu no Ambiente (MTA), Francisco Calbuady Lay, Governadór Banku Sentrál Timor-Leste (BCTL), Helder Lopes inklui Prezidente Camara Comercio Industria (CCI-TL), Jorge M.A. Serrano,

Durante eventu ne’e, lideransa Governu no reprezentante setór privadu halo diskusaun kona-ba progresu no dezafiu ekonómiku iha Timor-Leste, inklui esforsu atu hasa’e kresimentu ekonómiku no kria oportunidade ba investimentu.

TL nia alvu ne’ebé trasa iha Planu Estratejiku Dezenvolvimentu Nasionál atu sai nasaun rendimentu médiu altu tuir kalkulasaun Banku Mundiál ninian katak atu sai nasaun ho rendimentu altu.

Iha Biban ne’e Prezidente CCI-TL entrega mós Planu Estratéjiku tinan 2022-2032 CCI-TL nian bá PM, Vise Primeiru-Ministru Asuntus Ekonómiku no Vise Primeiru-Ministru Asuntu Sosiais ho Governadór BCTL.

Partisipa iha Serimónia ne’e mak Membru Governu da-9 balun, Membru Deputado, Korpu Diplomátiku no Seluk-seluk tan.

#MídiaPalácioDasCinzas