SEKRETÁRIU Estadu Terras Propriedades (SETP), Jamie Xavier Lopes, iha loron 21 fulan-Marsu 2026 ohin partisipa iha komemorasaun loron mundiál Florestas ba da-3 iha Suku Seloi Kraik, Postu Aministrativu, Aileu vila, Munisípiu Aileu.

Komemorasaun loron mundiál Floresta nian ba dah-3 ne’e ho nia tema munial Floresta no Ekonómia, nune’e mós ho nia Tema Nasionál mak, Liu hosi asaun reflorestasaun suporta atividade agrikultura ne’ebé sustentavel, promove ekonómia Verde no ekonómia azúl iha Timor-Leste.

Rai ba reflorestasaun iha suko Seloi ne’e ho nia luan hektár tolu, ne’ebé mak oferese hosi komunidae sira ba iha MAPPF hodi halo reflorestasaun.

Hafoin selebra loron mundiál floresta Sekretáriu Estadu Terras Propriedades ho kometiva ba kuda mós ai-oan hanesan simbolu reflorestasaun no husik hikas balada fuik hanesan manu loriku hirak ne’ebé guarda Floresta sira prende hosi komunidade sira ne’ebé mak kasa hodi fa’an.

Komemorasaun loron mundiál floresta ne’e rasik, Ministério da Agricultura, Pekúaria, Peska no Floresta mak sai hanesan uma-nain.

Hafoin kuda ai-oan, MAFP distribui mós ai-oan ba lideransa komunitária sira podtu Aileu Vila nian.

Partisipante ne’ebé partisipa iha komemorasaun loron mundiál Floresta nian ne’e mak, Ministru Agrikultura, Pekuaria Peskas no Floresta, Sekretáriu Estadu Floresta, Sekretáriu Estadu Terras Propeiedades, Xefe Casa Civíl, membru Parlamentu Nasional, inklui entidade relevante no komunidade sira.

Mídia SETP