𝗗Í𝗟𝗜, 𝗠𝗝 – 𝗧𝗲𝗿𝘀𝗮-𝗳𝗲𝗶𝗿𝗮, 𝟭𝟳 𝗠𝗮𝗿𝘀𝘂 𝟮𝟬𝟮𝟲, Sua-Eselénsia Ministru Justisa, Dr. Sérgio de Jesus Fernandes da Costa Hornai, hala’o enkontru ho Xefe Delegasaun Rejionál Komité Internasionál Cruz Vermelha (ICRC sigla Inglés), Martin de Boer, hodi reforsa kooperasaun iha área direitu umanitária iha Timor-Leste. Entkontru ne’e iha sala sorumutuk Gabinete Ministru Justisa, Colmera, Díli.

Objetivu prinsipal hosi enkontru ne’e mak atu hametin kooperasaun entre Ministériu Justisa no ICRC. Foku kooperasaun ne’e liuliu ba área direitu umanitáriu internasionál, protesaun ba direitu umanu, no tratamentu ba ema sira ne’ebé iha situasaun vulnerável, inklui detidu sira.

Durante reuniaun ne’e, parte rua troka hanoin kona-ba oportunidade atu aumenta apoiu tékniku, fornese formasaun ba rekursu umanu, no halo sensibilizasaun konaba implementasaun norma direitu umanitáriu internasionál iha Timor-Leste.

Iha okaziaun ne’e, Ministru Justisa hateten, kooperasaun ho ICRC importante tebes atu asegura katak prinsípiu umanitáriu no respeitu ba direitu umanu kontinua sai prioridade iha sistema justisa nasional.

Ministru Justisa akompaña hosi Diretór Jeral Polítika Justisa Ministériu Justisa, Dr. Nelinho Vital, durante enkontru ne’e.

# 𝗠í𝗱𝗶𝗮 𝗚𝗮𝗯𝗶𝗻𝗲𝘁𝗲 𝗠𝗶𝗻𝗶𝘀𝘁𝗿𝘂 𝗝𝘂𝘀𝘁𝗶𝘀𝗮 #