𝗗Í𝗟𝗜, 𝗠𝗝 – 𝗧𝗲𝗿𝘀𝗮-𝗳𝗲𝗶𝗿𝗮, 𝟭𝟳 𝗠𝗮𝗿𝘀𝘂 𝟮𝟬𝟮𝟲, Sua-Eselénsia Ministru Justisa, Dr. Sérgio de Jesus Fernandes da Costa Hornai, hala’o reuniaun bilateral ho Sua Exelénsia Embaixadór Repúblika Federativa Brasil iha Timor-Leste, José Lustosa Leal, iha sala sorumutuk Gabinete Ministru Justisa, Ministériu Justisa, Colmera, Díli.

Objetivu prinsipal hosi reuniaun ne’e, atu reforsa relasaun bilateral entre Timor-Leste no Brasil, liuliu iha área justisa. Kooperasaun ne’e, inklui apoiu iha área téknika, formasaun ba rekursu umanu, no mós troka esperiénsia iha kampu lejizlasaun no administrasaun judisiária.

Durante enkontru ne’e, parte rua diskute mós oportunidade atu haburas servisu hamutuk liuhosi programa sira ne’ebé bele kontribui ba dezenvolvimentu sistema justisa nasionál, ho foku ba apoiu tékniku no kapasitasaun institusionál.

Ministru Justisa iha reuniaun ne’e akompaña hosi Diretór Jerál Polítika Justisa, Ministériu Justisa, Dr. Nelinho Vital.

# 𝗠í𝗱𝗶𝗮 𝗚𝗮𝗯𝗶𝗻𝗲𝘁𝗲 𝗠𝗶𝗻𝗶𝘀𝘁𝗿𝘂 𝗝𝘂𝘀𝘁𝗶𝘀𝗮 #