𝗗Í𝗟𝗜, 𝗠𝗝— 𝗦𝗲𝗴𝘂𝗻𝗱𝗮-𝗳𝗲𝗶𝗿𝗮, 𝟭𝟲 𝗠𝗮𝗿𝘀𝘂 𝟮𝟬𝟮𝟲, Sua-Eselénsia Ministru Justisa, Dr. Sérgio de Jesus Fernandes da Costa Hornai kontinua audiénsia ho deputadu sira hosi komisaun B, ne’ebé trata asuntu Negósiu Estranjeiru, Defeza no Seguransa hodi diskute kona-bá adezaun Timor-Leste ba Tratadu Estradisaun ASEAN, iha sala konferensia, Parlamentu Nasionál.

Objetivu hosi audénsia ne’e, atu fó esplikasaun kle’an ba deputadu sira kona-ba importánsia hosi adezaun Timor-Leste ba tratadu refere, liu-liu iha ambitu kooperasaun judisiál internasionál, kombate krime transnasionál no reforsu estadu de direitu. Nune'e mos komisaun B hakarak rona membru governu responsavel iha area justisa nian molok PN halo ratifikasaun ba tratadu extradisaun ASEAN.

Konsellu Ministru, iha 20 fevereiru 2026, aprova ona tratadu Estradisaun ASEAN hanesan instrumentu juridiku hodi reforsa koperasaun jurídika entre Estadu-Membru iha kombate krime transnasional, terorismu, trafiku drogas, lavajen osan no seluk tan.

Proposta adesaun ba tratadu extradisaun ASEAN mai atu formaliza no kumpri obrigasaun Timor-Leste hanesan Estadu membru ASEAN ba dala 11 (sanulu resin ida), Estadu membru sira asina hotu;

Extradisaun ida ne’e aplika tuir lei parte rekerente no parte rekerida desde aktu ka omisaun konstitui krime hodi fo fatin ba extradisaun, konforme lei parte sira nia;

Adesaun ba tratadu Extradisaun ASEAN atu reforsa kompromisiu Timor-Leste hanesan Estadu membru ASEAN liuhusi koperasaun ne’ebé efikaz entre Estadu Parte sira hodi regulariza fujitivu ne’ebé halai husi responsabilidade kriminál iha rejiaun Sudeste Asiátiku;

Iha ambitu audiensia ne'e akompaña Sua Esia Sr. Ministru Justisa hosi Defensor Públika Jeral Dr. Câncio Ximenes, Diretór Jeral Politika Justisa, Dr. Nelinho Vital.

# 𝗠í𝗱𝗶𝗮 𝗚𝗮𝗯𝗶𝗻𝗲𝘁𝗲 𝗠𝗶𝗻𝗶𝘀𝘁𝗿𝘂 𝗝𝘂𝘀𝘁𝗶𝘀𝗮 #