𝗗Í𝗟𝗜, 𝗠𝗝 — 𝗦𝗲𝘀𝘁𝗮-𝗳𝗲𝗶𝗿𝗮, 𝟭𝟯 𝗠𝗮𝗿𝘀𝘂 𝟮𝟬𝟮𝟲, Sua-Eselénsia Ministru Justisa, Dr. Sérgio de Jesus Fernandes da Costa Hornai, simu visita no halo reuniaun ho Sua-Eselénsia Ministru Planeamentu no Investimentu Estratéjiku, Gastão Francisco de Sousa, iha sala sorumutu Gabinete Ministru Justisa, Colmera, Díli.

Objetivu hosi reunaiun ne’e, atu reforsa koordenasaun institusionál entre Ministériu Justisa no Ministériu Planeamentu no Investimentu Estratéjiku, liuliu kona-ba planeamentu estratéjiku no implementasaun projetu dezenvolvimentu iha setor justisa.

Ministru Justisa hateten, koordenasaun ho Ministériu Planeamentu no Investimentu Estratéjiku importante tebes atu asegura katak programa no projetu sira iha setor justisa bele implementa ho planeamentu ne’ebé di’ak, sustentavel no aliña ho prioridade dezenvolvimentu nasionál.

# 𝗠í𝗱𝗶𝗮 𝗚𝗮𝗯𝗶𝗻𝗲𝘁𝗲 𝗠𝗶𝗻𝗶𝘀𝘁𝗿𝘂 𝗝𝘂𝘀𝘁𝗶𝘀𝗮 #