Asuntu : 𝐌𝐀𝐏𝐏𝐅 𝐃𝐈𝐒𝐓𝐑𝐈𝐁𝐔𝐈 𝐌𝐎𝐓𝐎𝐑𝐈𝐙𝐀𝐃𝐀 𝐁𝐀 𝐅𝐔𝐍𝐒𝐈𝐎𝐍Á𝐑𝐈𝐔 𝐒𝐈𝐑𝐀 𝐃Í𝐋𝐈, 𝟎𝟖 𝐒𝐄𝐓𝐄𝐌𝐁𝐑𝐔 𝟐𝟎𝟐𝟓 – Ministério da Agricultura, Pecuária, Pescas e Florestas (MAPPF), Segunda ne’e distribui motorizada unidade 12 ho marka Verza 8 no Scoopy 4, ba funsionáriu sira hosi Diresaun Jerál Pekuária no Diresaun Nasionál Irrigasaun. Motorizada hirak ne’e distribui direta hosi Ministru Agrikultura, Pekuária, Peskas no Florestas, Eng. Marcos da Cruz, ho Sekretáriu Estadu Peskas, 𝐃𝐫. 𝐃𝐨𝐦𝐢𝐧𝐠𝐨𝐬 𝐝𝐚 𝐂𝐨𝐧𝐜𝐞𝐢çã𝐨 𝐝𝐨𝐬 𝐒𝐚𝐧𝐭𝐨𝐬 “𝐌𝐚𝐮-𝐜𝐚𝐫𝐨”, no hetan akompaña hosi Diretór Jerál, Diretór Nasionál no Xefe Departamentu sira. Objetivu fasilita motorizada hirak ne’e ba funsionáriu tékniku hosi Pekuária no Funsionáriu tékniku Irrigasaun hodi bele halo servisu iha terenu. Antes distribui motor ba funsionáriu sira, Diresaun Jerál Pekuária halo uluk aprezentasaun dokumentu kona-ba eksportasaun no importasaun animál no plantas. Partisipa iha soru-mutuk ne’ebé realiza iha Uma Tradisionál MAPPF ne’e, dirijente no funsionáriu sira hosi Diresaun Jerál Pekuária, Quarentena no Diresaun Nasionál Irrigasaun nian.
Data Publica : 09 Sep 2025
Descrisaun :