𝐃Í𝐋𝐈-𝐊𝐢𝐧𝐭𝐚 𝟏𝟗/𝟎𝟑/𝟐𝟎𝟐𝟔,

Ministériu Finansas liuhusi Diretora Jerál Jestaun Patrimoniu Estadu Sra. Timotea Pompeia Marques, partisipa serimonia entrega patrimoniu husi Millennium Challenge Account Timor-Leste (MCA-TL) ba Bee Timor-Leste, Empreza Públika.

Patrimoniu sira ne’ebé atu halo hand over ne’e ita inventariza ona sai hanesan patrimoniu estadu ninian, atu iha kontinuidade bai ta-nia programa sira ne’ebé maka governu tau ona liuhusi apoiu sira ne’ebé durante ne’e halo ho MCA nomós ba iha BTL,E.P.

Biban ne’e diretora Jerál Jestaun Patrimoniu Estadu Sra. Timotea Pompeia Marques iha intervesaun hateten Ministériu Finansas nia prezensa hanesan testemuña ne’ebé maka fó nafatin apoiu ba programa sira ne’ebé maka iha, maibé MCA mós sei akompaña nafatin hodi haree utilizasaun patrimoniu estadu nian ne’e ba duni programa sira ne’ebé iha ona.

MCA entrega pratimoniu ba BTL.EP la kompletu, karik mak implementa duni projetu ne’e buat barak mak sei transfere inklui sentru tratamentu bee foer nian, maibé la akontese, nune’e ami deside patrimoniu ne’ebé iha oferese ba BTL,E.P nune’e bele fó kontinuidade ba programa ne’ebé iha ligasaun ho saneamentu nian. Asset entrega ba BTL,E.P hanesan kareta, motor no mobiliariu, semana oin halo ona transferensia. Hateten Embaixadór nomós Diretór Ezekutivu MCA iha Timor-leste Sr. Constâncio Pinto.

Atividade ne’e hala’o iha edifisiu BTL,E.P Caicoli, hetan prezensa masimu husi Reprezentante Millennium Challenge Corporation iha Timor-Leste (MCC-TL) Sra. Gigi, Prezidente Konsellu Administrasaun (Board President) MCA-TL Sra. Hergui Fernandes Alves, Prezidente KE BTL,E.P Sr. Gustavo da Cruz. Inklui jestór sira husi Diresaun Jerál Jestaun Patrimoniu Estadu Ministériu Finansas.

#Foto #Ekipa #Media #Ministeriufinansas