Díli, 23 Marsu 2026 – Sekretáriu Estadu Kooperativas (SEKoop), Arsénio Pereira da Silva, partisipa iha lansamentu Relatóriu Dezempeñu Ekonómiku Timor-Leste tinan 2025 no diálogu entre Governu ho setór privadu, ne’ebé realiza iha Sentru Konvensoens Dili, iha Segunda-feira (23/03).

SEKoop partisipa ho akompañamentu husi Xefe Gabinete Francisca L. de Araújo Simith no Sekretária Ezekutiva Sebastiana Mausaco.

Relatóriu ne’e lansa husi Primeiru-Ministru, Kay Rala Xanana Gusmão, ne’ebé mos akompaña husi Vise-Primeiru-Ministru no Ministru Koordenadór Asuntu Ekonómiku no Ministru Turizmu no Ambiente, Francisco Kalbuady La, no Governadór Banku Sentral Timor-Leste (BCTL), Helder Lopes.

Durante eventu ne’e, lideransa Governu no reprezentante setór privadu halo diskusaun kona-ba progresu no dezafiu ekonómiku iha Timor-Leste, inklui esforsu atu hasa’e kresimentu ekonómiku no kria oportunidade ba investimentu.

Oradór prinsipal sira inklui Primeiru-Ministru, Vise-Primeiru-Ministru, Governadór BCTL, Prezidente CCI-TL, Jorge M.A. Serrano nomos membru Governu sira.

Eventu taka ho asinatura Nota Entendimentu entre Governu no setór privadu sira, ne’ebé esperadu sei reforsa kooperasaun no sai baze importante ba dezenvolvimentu ekonómiku sustentável iha país.

#Média SEKoop#