𝐃í𝐥𝐢, 𝟐𝟒 𝐌𝐚𝐫𝐬𝐮 𝟐𝟎𝟐𝟔- Ministru Komérsiu no Indústria, Sr. Nino Pereira partisipa iha plenária Parlamento Nasionál (PN) ba votasaun Final Global ba Proposta Lei Nú. 20/VI (2.a) Lei Promosaun ba Exportasaun, 𝙝𝙤 𝙫𝙤𝙩𝙪 𝙖 𝙛𝙖𝙫ó𝙧 56, 𝙠𝙤𝙣𝙩𝙧𝙖 0 𝙣𝙤 𝙖𝙗𝙨𝙩𝙚𝙣𝙨𝙖𝙪𝙣 0.

Plenária ne’e prezide husi Prezidente Parlamentu Nasional Deputada Maria Fernanda Lay, antes tama ba votasaun fo tempu ba iha Prezidente Komisaun D ne’ebe Trata asuntu ekonomia no dezenvovlimentu, Deputadu Ricardo Baptista hamutuk ho deputada Virgina Ana Belo, hodi aprezenta kona-ba keutudu husi proposta lei refere.

Importánsia husi Lei Promosaun ba Exportasaun nu’udar inisiativa estratéjika ida ne’ebé importante tebes ba futuru ekonómia nasionál. Lei ida ne’e la’os de’it regula volume exportasaun, maibé mós kontribui atu muda estrutura ekonómia Timor-Leste atu sai ekonómia ne’ebé produtivu no kompetitivu. Durante tinan barak liubá, ekonómia Timor-Leste depende liu ba reseita husi fundu petróleu; tanba ne’e, presiza deversifika ekonómia no kria fonte rendementu foun ne’ebé sustentável.

Setór esportasaun nu’udar pilár esensiál ba dezenvolvimentu ekonómiku Timor-Leste, sai hanesan estratéjia fundamentál ida atu harii modernu ida, ekonomia diversifikadu integradu iha merkadu globál. Kriasaun setór privadu ida ne'ebé metin no bele hamosu oportunidade sira ba populasaun tomak depende, iha medida boot, ba nasaun nia abilidade atu habelar nia insersaun internasionál liuhosi esportasaun sasán no servisu sira.

Objetivu ida-ne'e reflete ho klaru iha instrumentu orientadór sira asaun estadu nian, hanesan planu estratéjiku dezenvolvimentu Timor-Leste nian, no ninia lejislasaun ordinária, ne’ebé reforsa importánsia atu adota polítika insentivu esportasaun hanesan setor sentrál ba kreximentu ekonómiku sustentável.

Média MCI