Iha loron 23 fulan-Marsu tinan 2026, Ministério do Ensino Superior, Ciência e Cultura - MESCC ofisialmente hahú Formasaun loron haat ba 𝐅𝐨𝐫𝐦𝐚𝐬𝐚𝐮𝐧 𝐛𝐚 𝐅𝐨𝐫𝐦𝐚𝐝𝐨́𝐫 𝐤𝐨𝐧𝐚-𝐛𝐚 𝐏𝐫𝐞𝐯𝐞𝐧𝐬��𝐮𝐧 𝐧𝐨 𝐑𝐞𝐬𝐩𝐨𝐬𝐭𝐚 𝐛𝐚 𝐕𝐢𝐨𝐥𝐞́𝐧𝐬𝐢𝐚 𝐁𝐚𝐳𝐞𝐢𝐚 𝐛𝐚 𝐉𝐞́𝐧𝐞𝐫𝐮 (𝐕𝐁𝐉) liuhosi Instituisaun Ensinu Tersiáriu sira. Formasaun etapa daruak ne'e, partisipa husi dosente hamutuk na'in 30 hosi universidade públika no privada sira iha Timor-Leste, ida ne’e marka pasu estratéjiku ida ba atinjimentu objetivu sira hosi 𝐏𝐥𝐚𝐧𝐮 𝐀𝐬𝐚𝐮𝐧 𝐍𝐚𝐬𝐢𝐨𝐧𝐚́𝐥 (𝐏𝐀𝐍) 𝐤𝐨𝐧𝐚-𝐛𝐚 𝐕𝐁𝐉 𝟐𝟎𝟐𝟐–𝟐𝟎𝟑𝟐.

Inisiativa ida-ne'e nu'udár esforsu kolaborativu ida ne'ebé reflete kompromisu nasaun nian atu hakotu violénsia.

Lidera hosi 𝐌𝐢𝐧𝐢𝐬𝐭𝐞́𝐫𝐢𝐮 𝐄𝐧𝐬𝐢𝐧𝐮 𝐒𝐮𝐩𝐞𝐫𝐢𝐨́𝐫, programa ne’e hetan apoiu finanseiru hosi Governu Austrália (DFAT) liuhosi Parseria ba Dezenvolvimentu Umanu (PHD), ho apoiu tékniku esensiál hosi UNFPA Timor-Leste.

Hodi dezenvolve grupu ida hosi formadór sertifikadu sira no integra konseitu sira VBJ nian iha dixiplina akadémika sira, ita hametin dadaun kapasidade hosi ita nia universidade sira hodi produz profisionál sira iha futuru ne'ebé la'ós de'it iha abilidade téknika maibé mós iha baze étika ne’ebé sólidu nu'udár kampeaun sira hosi seguransa no igualdade jéneru iha fatin servisu.

𝐇𝐚𝐤𝐨𝐭𝐮 𝐕𝐁𝐉 𝐡𝐚𝐡𝐮́ 𝐡𝐨́ 𝐞𝐝𝐮𝐤𝐚𝐬𝐚𝐮𝐧 𝐧𝐨 𝐞𝐝𝐮𝐤𝐚𝐬𝐚𝐮𝐧 𝐟𝐨𝐫𝐦𝐚 𝐟𝐮𝐭𝐮𝐫𝐮 𝐢𝐝𝐚 𝐧𝐞’𝐞𝐛𝐞́ 𝐓𝐢𝐦𝐨��-𝐋𝐞𝐬𝐭𝐞 𝐦𝐞𝐫𝐞𝐬𝐞.