Asuntu : GOVERNO ASINA DEKLARASAUN HAMUTUK HO FAMILIA NO TRABALLADOR TIMOR OAN NAIN 120 HODI BA SERVISU IHA NASAUN AUSTRALIA. Dili, loron 9, fulan Setembro, Sekretária Estadu ba Formasaun Professional Empregu – SEFOPE, nebe lideradu husi Xefe Gabinete, Sr. Jacinto Ribeiro Dias, hanesan mos representa Sekretáriu Estadu ba Formasaun Profesional no Empregu, iha serimonia despedida nee partisipa husi Deputy Ambasador Australia ba Timor Leste, Sr. Edward Wilkinson, Sekretáriu dahuluk Departamentu Asuntu Internu nian, Sr. George Kdakima, sekretária dahuluk foun DFAT ba Timor Leste, Sra. Kalo Tafalo, no Sekretaria datoluk Embaixada Australia ba Timor Leste, Sra. Penny Roberts, Diretor Diresaun Nasional Empregu Estranjeiro, Sr. João Correia Pereira, no Irmã Ovania Mendonça, iha Palm Springs. Iha Serimonia despedida ida nee Xefe Gabinete nebe representa Sekretaria Estadu Ba Formasaun Professional Empregu – SEFOPE husik hela diskursu ba taraballador no familia katak, sempre akontese serimonia despedida ida nee, para estadu nafatin fo hanoin ba traballador atu nune ba ho prinsipiu no ba ho responsavelidade, tamba nee mak iha imi nia juramentu temi representa nasaun no povu la representa familia, se imi representa nasaun ho povu maka iha imi nia ulun hafutar ho bandeira rdtl, imi ba hanesan dotor atu buka ai moruk hodi kura ekonomia familia no nasaun, imi ba buka empregu atu rejolve dejempregu iha ita nia rain rasik. SEFOPE ninia pollitika hanesan ponte, oinsa ita bele ba ho maneira nebe mak tenki tama iha istrutura no formadu nebe mak lolos, signifika katak husi ita boot sira estadu deposita komfiansa atu nafatin mantein dignidades nasaun nia iha ema nian rain tamba nee mak estadu tau ninia reprejenta ita boot sira ba sai mos hanesan embaixador ekonomia iha ema nian rain. tamba sua exlensia husu ba ita boot sira liliu ba foun atu estuda no banati tuir sira tuan nebe mak ba mai, dalan atu ba mai mak ; DISIPLINA, MENTALIDADE, RESPONSAVELIDADE, MORAL; nee mak inportante, situasaun saida deit labele hanoin no koko sai husi sistema tamba governu iha, estadu iha atu rejolve. Aleimde nee Xefe Gabinete husu ba traballador sira atu nafatin iha orasaun atu saude diak, vontade iha, espiritu iha no mentalidade no nafatin iha ligasaun ho familia tamba imi nee ba hanesan dotor para atu kura ekonomia familia, imi ba hanesan embaixador atu representa estadu iha ema nia rain tamba imi mak traballdor heroi Timor nian, Xefe Gabinete mos husu ba traballdor atu nafatin iha ligasaun ho familia, komunikasaun nee inportante entre familia, Xefe Gabinete enkoraja ba traballador sira katak “mantein o nian dignidade hodi simu dollar, labele lori dollar hodi hamonu o nian dignidade tamba nee mak representa nasaun iha ema nian rain sai embaixador. iha parte seluk mos Xefe Gabinete halo esplikasaun ituan ho lalaok programa DEPARTEMENTU REINTEGRASAUN ninia ba traballador sira, intensaun husi programa ida atu imi fila fali mai hodi buka tuir imi halo ona saida (negosio) no imi halo ona iha nebe, atu nune imi sai ema nebe produtivu no sai ema susesu, ho ida nee mak politika atu lori ema no sai ema hadia ema atu hadia ita nian rain ida nee, nee duni liafuan rua nebe Sua Exelensia Sekretaria Estadu hameno ba traballador, “primeiru, ba hanesan alunus, loron ida fila mai tenki sai mestri iha imi nia familia no imi nian aan rasik, segundu, imi ba hanesan traballdor kompremitidu imi nia aan imi sei sai empregador iha future”, maneira mak nee investimentu inportante mak metalidade, disiplina, kumpri no haraik an, liafaun haraik an mak xave, (dehan xefe gabinete). Depois hato diskursu husi Xefe Gabinete, Diretor Diresaun Nasional Empregu Estranjeiru aprejenta relatoriu relasiona ho serimonia asina deklarasaun loron ohin nian, Total traballador hamutuk nain 120, kompostu husi mane nain 74, no feto nain 46, husi total hirak ne sei ba servisu iha empregador 5 mak hanesan LABOUR SOLUTION, MADEC COSTA, ADCO THE JOB SHOP, EASTERN COLOUR, EASTERN COLOUR, no CONNECT GROUP.
Data Publica : 10 Sep 2025
Descrisaun :
