𝐃í𝐥𝐢, 𝟐𝟔 𝐌𝐚𝐫𝐬𝐮 𝟐𝟎𝟐𝟔- Delagasaun husi Asosiasaun fornesedór formasaun Malaysia, ( sigla Engles; Delegation Malaysia Association for Training Providers - MATPRO) hasoru malu, ho Ministru Komérsiu no Indústria Sr. Nino Pereira, iha salaun Timor-Plaza.

Objetivu husi sorumutu ne’e mak atu fó oportunidade ba instituisaun fornesedór iha área kapasitasaun atu introdús no partilla informasaun relevante kona-ba atividade formasaun no dezenvolvimentu kapasitasaun, hodi kontribui ba dezenvolvimentu rekursu umanu.

Ministru, konsidera importante tebes dezenvolvimentu kapasitasaun iha área sira ne’ebé instituisaun formasaun ne’e fornese.

Tanba ne’e, karik iha futuru presiza duni atu estabelese kooperasaun entre Ministériu ho instituisaun ne’e, hodi hasa’e no kapasita rekursu umanu iha Ministériu Komérsiu no Indústria, liuliu ba funsionáriu sira, atu bele aumenta sira-nia kompeténsia no efisiénsia iha hala’o sira-nia knaar.

Entretantu área sira ne’ebé instituisaun ne’e fornese fó mak hanesan formasaun ba iha dezenvolvimentu kapasidade, promove padraun qualidade iha área formasaun, fasilita kooperasaun entre treinadór no instituisaun sira, halo eventu, semináriu no workshop ba partilla koñesimentu no servi hanesan ponte entre governu no setór privadu iha área formasaun.

𝙈é𝙙𝙞𝙖 𝙈𝘾𝙄