DILI,26/02/2026: Ministru Kordenador ba Assuntus Sosiais (MKAS), Eng. Mariano ASSANAMI Sabino, liu husi ninia gabinete realiza Dialogu Sosial hamutuk ho Juventude no Estudante sira ho tema “Empoderamentu Juventude ho Karakter Forte ba Konstrusaun Paz, Estadu no Nasaun”, ne’ebe realiza iha Salaun CNE, Lalini, Larigutu.

Antes ne’e Gabinete MKAS hala’o ona atividade diagu eskolar hamutuk ho Estudante Sekudariu sira iha Dili no Munisipiu, dadaun ne’e Gabinete-MKAS realiza hikas Dialogu Sosial ho nia alvu mak Joven no Estudante universitariu sira.

Objetivu jeral husi tema ida ne’e mak haforsa kapasidade no karakter juventude atu sai lider ne’ebe responsavel, kontribui ba manutensaun paz, no partisipa ativamente iha dezenvolvimentu Estadu no Nasaun.

Alende ne’e, Objetivu Espesífiku husi dialogu sosial ne’e mak atu Haforsa karakter no valor moral juventude, hanesan responsabilidade, integridade, solidariedade no disiplina iha moris loron-loron. Hasa’e konsiensia juventude kona-ba importánsia paz no estabilidade sosial, atu prevene konflitu no promove kooperasaun no fraternidade.

Alende ne’e atu insentiva juventude ho pensamentu inovasaun no kontribuisaun pozitivu ba dezenvolvimentu ekonomia, sosial no kultura iha nasaun no promove espiritu nasionalizmu no domin ba nasaun, ho sentidu responsabilidade ba futuru Timor-Leste.

Orador Importante mak Vise-PM no Ministru MJEDAK, Nelio Isac Sarmento, Koordenador Jeral MKAS, Arcanjelo Leite, Estundante sira husi UNDIL, UNPAZ, UCT, DIT, IOB no Sentru Formasaun Juvenil sira iha Dili no sira seluk tan.