Brisbane loron 26, fulan-Marsu, tinan 2026, Sekretáriu Estadu ba Formasaun Profisionál no Empregu, Sua Exelênsia Rogério Araújo Mendoça L.Ed, hasoru malu ho Empregado sira hanesan JBS, RWM, Agri Labour, hodi koalia konaba kooperasaun ne'ebé mak iha atu nune'e hodi halo rekrutamentu ba traballadór Timoroan sira iha futuru.

Iha sorumutu Sekretáriu Estadu hato'o, agradese Empregador JBS ne'ebé mak emprega ona Timor-oan barak.

Ha’u hakarak ko’alia direitamente ba lideransa JBS sira, agradese tanba fó oportunidade ida-ne’e ba Timor-Leste. Ami konsidera parseiru ida-ne’e nu’udar pontus importante ida.

"Timor-Leste la’ós de’it nu’udar ponte ba forsa servisu, ami mak parseiru ne’ebé komprometidu ba tempu naruk. Atu garante katak ami kumpri padraun aas husi lider indústria nian hanesan JBS, SEFOPE moderniza ona ami-nia abordajen tomak."

Liuhusi ami-nia Portál Traballadór no Plataforma Aprendizajen foun, ami garante katak rekrutamentu hotu-hotu liu ona prosesu verifikasaun, hetan treinamentu profesionál, no prontu atu servisu kedas iha sektór sira ne’ebé ho demanda aas hanesan prosesamentu na’an. Ami komprende dezafiu forsa servisu nian ne’ebé indústria na’an Austrália nian enfrenta.

Ami-nia objetivu mak atu halo rekrutamentu ba joven Timoroan sira sai buat ida ne’ebé fasil, konfiável, no kualidade aas. Ami prontu atu rona imi-nia hanoin no ami-nia treinamentu—inklui kbiit tékniku espesífiku no profisiénsia lia-Inglés—atu kumpri nesesidade loloos husi forsa servisu JBS nian.

Alinde ne'e parte husi Empregado sira mós iha komitmentu boot hakarak halo rekrutamentu ba traballadór Timor-oan sira iha futuru.

Ami Elojia tebes Timor-Leste nu'udar nasaun ida ne'ebé efisiente no kolaborativu liu. Haree ba estabilidade programa nian no oportunidade ba Timor-Leste atu aproveita situasaun mundiál ne'ebé lalos kona-ba forsa servisu, ami Enkoraja Timor-Leste atu halo ba Governu Austrália hodi expande ba área servisu seluk.’’ Gemma (Konsellu AAE).

Ami atu Konfirma katak daudaun ami seidauk rekruta traballadór husi Timor-Leste, maibé ami planu atu hahú iha fulan hirak oin mai ami halo rekrutamentuba traballadórTimoroan.’’ Agri Labour Australia (CEO)

"Foin lalais ami vizita Timor-Leste, ami konfirma katak rekrutamentu foun no haksolok tebes ho traballadór sira ne'ebé sei to'o iha fatin servisu. JBS (Jackson Hewitt & Olga):

Atualmente ami iha traballadór na'in 148 iha ami nia esperansa katak sei simu tan traballadór na'in 59 husi Timor-Leste iha fulan hirak oin mai.’’ RWM (Paul Trinary)