Baucau, 26 Marsu 2026; Vise-Ministru ba Operasionalizasaun Ospitál (VMOH-sigla portugés) dr. Flávio Brandão Mendes de Araújo halo abertura ba formasaun ho tema "Haforsa Vijilánsia ba Mortalidade Iha Rejistu Sivíl Estatístika Vitál (CRVS-sigla inglés), implementasaun faze 1 no sosializasaun iha munisípiu Baucau.

"Tempu ona atu haree meius ho modelu foun ne’ebé reprezenta entidades sira hotu ne’ebé servisu halo rejistu ba mortalidade iha ita-nia rain, ho nune’e atu fó mós resposta serteza ba ita idaidak katak iha mate ida ita hotu tenki iha konsiénsia ida katak mate kauza tanba saida labele dehan mate la hatene tanba saida", dehan VMOH.

VMOH husu ba parte relevante sira hotu atu servisu hamutuk nu'udar ekipa atu bele introdús buat foun ne'ebé reprezenta kolektiva no fó rezultadu di'ak.

"Esperiénsia di’ak, dadús di'ak ita halo intervensaun di'ak, depois hetan rezultadu di'ak".

Ho prezensa komitmentu Xefi suku sira nian hosi administrasaunn sentrál, saúde ho justisa bele fó meius di'ak liu ba ita-nia sistema kolekta, análiza dadús no oinsá halo intervensaun iha oin.

Worshop ne'e hala'o iha salaun Apuramentu Administrasaun Vila Nova durante loron rua no hetan suporta másimu hosi Organizadaun Mundiál Saúde ba Timor-Leste.

Atividadde workshop ne'e partisipa másimu hosi reprezentante Organizasaun Mundiál Saúde Dr. Arvind Mathur, reprezentante PAM Baucau, xefi suku, pesoál saúde no konvidadu relevante sira seluk.