Dili, 27 marsu 2026 - Sua Exelénsia Ministra Edukasaun Dra.Dulce de Jesus Soares partisipa iha selebrasaun loron Polísia Nasionál Timor-Leste (PNTL) nian ba dala XXVI iha Palásiu Governu, sesta-feira ne'e.

Serimónia loron importante ne'e Komisáriu Asistente Afonso dos Santos no Natércia Eufrásia Martins ofisiálmente simu pose nu'udar Komandante Jerál no Segundu Komandante Jerál Polísia Nasionál Timor-Leste ba períodu 2026–2029, ne’ebé prezide husi Sua Exelénsia Primeiru-Ministru Kay Rala Xanana Gusmão.

Iha diskursu Sua Exelénsia Primeiru-Ministru Kay Rala Xanana Gusmão hatete, ohin komandante Jerál foun fó reflesaun ida mai hotu-hotu katak ho dedikasaun no servisu sira husi Koman dante sira sesante mak ohin PNTL bele hamriik nu'udar seguransa estadu nian.

" Ita buka atu deskobre no haree saida mak halo di'ak noa at hodi bele kurriji no konsolida Estadu Direitu Demokrátiku Timor-Leste. Tanba ne'e, ba Polísia ita hotu iha kompromisiu no responsabilidade atu hadi’a di'ak liután", Tenik PM.

Nune'e ho lideransa foun Polisiá Nasionál Timor-Leste (PNTL ) ne'ebé ohin simu konfiansa atu kontinua reforsa kapasidade institusionál, mantein ordem públiku no asegura seguransa ba sidadaun hotu iha Timor-Leste.

#EliasdaCosta

#MédiaME