Raeoa, 26 Março 2026

Sua Exelênsia Secretario Estado Proteção Civíl (SEPC) 𝐃𝐨𝐦𝐢𝐧𝐠𝐨𝐬 𝐌𝐚𝐫𝐢𝐚𝐧𝐨 𝐑𝐞𝐢𝐬,iha kinta horseik hamutuk ho ekipa hala᾽o vijita imediata kedas ba Rejiaun Admnistrativo Espesial Oe-Cusse Ambeno Raeoa,hodi observa direita familia vitima uma kain 152 ne᾽ebe mak husi suku ha᾽at iha raeoa afeita direta ba inundasaun .Governante haktuir lori IX Governo Konstitusional liu Ministro Interior (MI) Secretario Estado Proteção Civíl (SEPC) hato᾽o solidaridade kle᾽an ba familia vitima sira hotu ne᾽ebe mak afeita ba mundasa klimatika refere.

No Superior ne᾽e mos hato᾽o agrdese ba Autoridade Raeoa ne᾽ebe mak ho laran luak Servisu hamutuk Autoridade Proteção Civil (APC) Raeoa,hodi evakua familia vitima sira husi fatin risku ba fatin ne᾽ebe mak seguru.

Lideransa ne᾽e mos haktuir APC hola ona papel ho responsavel hodi apoiu imediata pakote emergensia ba familia vitima sira,hanesan food/non food,atu nune᾽e bele tulun inan aman sira,oinsa mak bele hein ekipa husi APC raeoa halo levantamentu dados ba familia vitima sira hodi nune᾽e bele hatene lolos kategoria husi estragus refere.

“agradese ba maromak tamba ho grasa nai maromak nian dezastre akontese ba ita nia sidadaun sira maibe sidadaun sira la lakon vida,segundo atu hateten de᾽it katak,iha dezastre akontese iha raeoa ne᾽e suku ha᾽at,mak bee sa᾽e no suku sira ne᾽e mak suku cuina,lalisuk ,bobokase,no naimeco,total uma kain 152.Lori Governo Central hato᾽o solidaridade ba familia vitima sira iha Raeoa segundo agradeeses ba autoridade raeoa ne᾽ebe mak servisu hamutuk APC raeoa ne᾽ebe mak lais tebes,ba sidadaun sira hodi asegura ita nia sidadaun sira ba fatin ne᾽ebe mak seguru.No bainhira ha᾽u rona imediatamente kedas ha᾽u dehan saida mak halo,evakua vitima sira husi fatin ne᾽ebe mak risku ba fatin ne᾽ebe seguru,apoiu asistensia emergensia ,no halo reverifikasaun ba familia vitima sira,atu nune᾽e ita bele hatene nia tama iha kategoria estragus ida ne᾽ebe,ita nia stock sufisiente atu responde ba familia vitima sira,ohin ha᾽u nia prejensa iha ne᾽e ita apoiu emergensia ba familia sira ho foos hamutuk 1500 sakas ho tonelada 38.Maibe ita nian iha raeoa nafatin deskarega hela ,no husi pakote rua ne᾽e ita mos apoiu fo᾽osaé⅓ sakas rihun ida ba Autoridade Raeoa oinsa atu bele responde ba familia vulneravel sira ne᾽ebe mak iha rejiaun espesial ida ne᾽e,no sakas 500 nafatin tau iha aramagen Raeoa atu nune᾽e oinsa bele responde ba familia vitima sira husi kauza dezastre no kadestrofes ne᾽ebe mak akontese.”

Lideransa ne᾽e mos nafatin alerta ba inan aman sira,oinsa mak atu asegura aan nafatin iha fatin ne᾽ebe mak seguru.No evita atu hela iha fatin ne᾽ebe mak risku hanesan rai ne᾽ebe mak halai,tasi ibun,mota ninin,no area sira ne᾽ebe mak konsidera risku,atu nune᾽e bele evita sidadaun sira husi risku no kadestrofes ne᾽ebe mak akontese.

MEDIA SEPC