𝙍𝘼𝙀𝙊𝘼, 27 𝙈𝙖𝙧𝙨𝙪 2026 –Ministru Komérsiu no Indústria, Sr. Nino Pereira, halo abertura ba Lansamentu Programa Movimentu Empreendedorizmu Oe-Cusse 2026–2030, iha salaun konvensaun Palaban Oecusse.

Ministru Nino Pereira nafatin enkoraja emprezáriu no juventude sira iha RAEOA atu dezenvolve kreatividade no inovasaun.

“Ita hotu iha responsabilidade boot atu promove no haforsa movimentu empreendedorizmu, liuliu iha RAEOA, hodi kria oportunidade ekonomia, hasa’e rendimentu no kontribui ba dezenvolvimentu sustentável rejiaun nian.”_ 𝙝𝙖𝙩𝙚𝙩𝙚𝙣 𝙈𝙞𝙣𝙞𝙨𝙩𝙧𝙪 𝙈𝘾𝙄

Programa ne’e fó enfase ba asaun lalais, konkretu no efikás, tanba movimentu empreendedorizmu envolve juventude ka foin-sa’e barak. Juventude sei fó papel importante hanesan motor inovasaun no kreatividade, ho kapasidade atu kria ideia foun, hari’i negósiu rasik, no aproveita oportunidade ekonomia lokal.

Ho apoiu institusionál ne’ebé los, programa ne’e espera atu kontribui ba kria kampu servisu, hasa’e rendimentu no impulsiona dezenvolvimentu sustentável iha RAEOA.

𝙈𝙚𝙙𝙞𝙖 𝙈𝘾𝙄