Asuntu : "𝗙𝗢𝗥𝗧𝗔𝗟𝗘𝗦𝗜𝗠𝗘𝗡𝗧𝗨 𝗞𝗔𝗣𝗔S𝗜𝗗𝗔𝗗𝗘: 𝗦𝗘𝗖𝗢𝗢𝗣 𝗡𝗢 𝗜𝗡𝗘𝗧𝗟 𝗣𝗥𝗢𝗠𝗢𝗩𝗘 𝗙𝗢𝗥𝗠𝗔𝗦𝗔𝗨𝗡 𝗜𝗛𝗔 𝗝𝗘𝗦𝗧𝗔𝗨𝗡 𝗗𝗘 𝗗𝗔𝗗𝗢𝗦 𝗗𝗘 𝗖𝗢𝗢𝗣𝗘𝗥𝗔𝗧𝗜𝗩𝗔𝗦” Gleno, 08 de Setembro de 2025 Secretária de Estado das Cooperativas (SECoop), Representa husi Chefe Gabinete, Eng. Leovogildo Belarmino, M.Sc., hala’o abertura ba Formasaun Sistema Tabulasaun Dadus Kooperativa no Sistema Dashboard Kooperativa, iha Salaun Rado Amor, Bugasa, Suku Talimoro, Postu Administrativu Ermera, Munisípiu Ermera. Objetivu prinsipál husi formasaun ne’e mak atu hasa’e kapasidade no kuñesimentu funsionáriu SECoop kona-ba sistema base de dados inklui tabulasaun no Dashboard, ne’ebé sei ajuda la’ós de’it iha Diresaun Nasionál Planu no Programa (DNPP), maibé mos iha diresaun seluk sira hodi fasilita jestaun dadus kooperativa iha nivel nasionál. Iha nia intervensaun, Chefe Gabinete sublinha katak formasaun ne’e sei kontribui atu solusiona difikuldade no problema sira ne’ebé SECoop enfrenta, ho esperansa katak liu husi aprendizajen ida ne’e sei iha dadus kooperativa ne’ebé atualizadu, akurat, konsistente no konfiavél. “Formasaun ida ne’e pertinente no krusial tebes, tanba iha relevánsia boot ba jestaun base de dados. Partisipante sira sei aprende varios metódos ne’ebé di’ak hodi 1) Rekoilla dadus ho forma sientífika no padronizada; 2) Utiliza sistema modernu ho ferramentas informáticas atu jeré, análize no intepreta dadus; no, 3) Produz relatóriu ne’ebé kredivel no reflete realidade kooperativa nian, inklui iha setór produtivu hanesan agrikultura, peskas, turizmu no ramos sira seluk.” Nu'udar reprezenta Sua Exelénsia Sekretáriu Estadu Kooperativas, Eng. Leovogildo Belarmino enkoraja partisipante sira atu aprende ho seriedade, fahe esperiénsia no aplika kuñesementu foun ba iha servisu lor-loron, hodi garante sistema dadus kooperativa ne’ebé forte no konfiavél iha Timor-Leste. Iha parte seluk, Reprezentante Prezidente Institutu Nasionál Estatístika Timor-Leste (INETL), Sr. Silvino Lopes, atual Diretor Nasionál, husu partisipante sira atu valoriza oportunidade ida ne’e. “Bainhira formasaun remata, tenki kontinua aplika materiál ne’ebé aprende iha fatin servisu. Labele husik le’et, maibé implementa iha realidade,” subliña nia. Formasaun ida ne’e sei hala’o durante loron 3 nebé mak organiza liuhusi kolaborasaun entre SECoop- Nasionál Planu no Programa) ho INETL. Total partisipante hamutuk 40 (F:15, M:25) mai husi diresaun ida-idak nomós reprentante funsionáriu SECoop husi munisípiu. Marka prezensa iha seremónia abertura ne'e mak hanesan Diretór Jerál SEKoop, Eng. Olderico Lopes, ne’ebé mos akumula funsaun Diretór Nasionál Planu no Programa Interinu, Reprezentante Prezidente Autoridade Munisípiu Ermera, no Reprezentante Komandante PNTL Munisípiu Ermera. #Média SEKoop
Data Publica : 10 Sep 2025
Descrisaun :