𝐃𝐢𝐥𝐢, 𝟐𝟕 𝐌𝐚𝐫𝐬𝐮 𝟐𝟎𝟐𝟔 – Ministériu Komérsiu no Indústria (MCI), liuhosi Diresaun Nasionál Dezenvolvimentu Industriál (DNDI), hamutuk ho reprezentante sira husi G8, SIMILIE, hala’o enkontru virtual ho Banku Dezenvolvimentu Aziátiku (ADB).

Enkontru ne’e ho objetivu atu hala’o diskusaun kona-ba estudu viabilidade foun ba fatin instalasaun projetu kriasaun Parke Industriál iha Ulmera, Munisípiu Liquiçá.

Estudo viabilidade ne’e sei halo to’o fulan dezembro 2026, ho titulo “Resilience City Port Project”. Tanba ne’e, projetu ne’e sei involve liñas ministeriais balun ho kna’ar iha area hanesan obras publicas, ordenamentu territoriu, transporte, administrasaun estatal, planeamentu no investimentu estratejiku, nsst.

Projetu ne’e estratejiku tebes ba industrializasaun Timor-Leste, atrasaun investimentu privadu, diversifikasaun ekonomiku, no kriasaun kampu traballu. Tanba ne’e sei involve stakeholders hotu liu-liu setor privado no sosial.

𝙈é𝙙𝙞𝙖 𝙈𝘾𝙄