Dili, 27 Marsu 2026 – Atu asegura dezenvolvimentu nasionál ne'ebé integradu, Ministériu Juventude, Desportu, Arte no Kultura (MJDAK) simu kordenasaun husi Ministériu Planeamentu no Investimentu Estratéjiku (MPIE) hodi realiza Workshop Elaborasaun Plano Médiu Prazu (PMP) 2027-2030.

Iha workshop ne'e, Diretores, Xefe Gabinete, no Asesór sira husi MJDAK no SEAK diskute kle'an kona-ba validasaun dokumentu setoriál hodi alinha ho Meta Nasionál 2030.

Bazeia ba Rezolusaun Governu n.º 43/2024, planeamentu ne'e kobre setór haat (4) prinsipál:

Setór Sosiál (Lidera husi VPM II – ne'ebé kobre MJDAK)

Setór Infraestrutura (Koordenadu husi MPIE)

Setór Dezenvolvimentu Institusionál (Koordenadu husi MPIE)

Setór Ekonómiku (Lidera husi VPM I)

Workshop ne'e importante tebes hodi asegura katak programa governu nian ba tinan lima oin mai fó impaktu reál ba foin-sa'e, desportista, no na'in-ba-arte sira iha Timor-Leste.

Hamutuk ita planeia, hamutuk ita harii futuru!

#MídiaMJDAK #PlaneamentuIntegradu #PMP2027_2030 #TimorLeste #MJDAK #MPIE #Governu