Asuntu : 𝐒𝐞𝐤𝐫𝐞𝐭á𝐫𝐢𝐮 𝐄𝐬𝐭𝐚𝐝𝐮 "𝐌𝐞𝐫𝐚𝐤", 𝐇𝐚𝐥𝐚'𝐨 𝐄𝐧𝐤𝐨𝐧𝐭𝐫𝐮 𝐇𝐨 𝐏𝐫𝐞𝐳𝐢𝐝𝐞𝐧𝐭𝐞 𝐀𝐮𝐭𝐨𝐫𝐢𝐝𝐚𝐝𝐞 𝐌𝐮𝐧𝐢𝐬𝐢𝐩í𝐮 𝐂𝐨𝐯𝐚𝐥𝐢𝐦𝐚, 𝐇𝐨𝐝𝐢 𝐇𝐚𝐥𝐨 𝐀𝐩𝐫𝐨𝐬𝐢𝐦𝐚𝐬𝐚𝐮𝐧 𝐁á 𝐑𝐚𝐢 𝐃𝐚𝐢𝐬, 𝐅𝐮𝐭𝐮𝐫𝐮 𝐊𝐨𝐧𝐬𝐭𝐫𝐮𝐬𝐚𝐮𝐧 𝐉𝐚𝐫𝐝𝐢𝐦 𝐄𝐫𝐨𝐢𝐬 COVALIMA, 09 Setembru 2025- Sua-Eselénsia Sekretariu Estadu Veteranus César dos Santos da Silva “Merak, akompaña husi Sefe Departamentu Aprovizionamentu Imaculada da C. Menezes, halo enkontru ho Prezidente Autoridade Munisipíu Covalima (PAM) Sr.Miguel Armada Cardoso akompña hosi Prezidente Veteranu Munisipál Covalima, hodi halo aprosimasaun ba rai Dais hanaran Rumah Sangat Sederhana (RSS), futuru konstrusaun ba Jardim dos Herois Munisipíu Covalima, enkontru nee hala'o iha salaun Internal PAM. Iha enkontru ne’e, Sekretariu Estadu Veteranu introdus ba Prezidente Autoridade Munisipíu Covalima katak, iha loron 4 Fulan Agostu foin lalais ne’e, grupu balun halo komunikadu imprénsa hodi rezeita no sei la fo rai RSS ba estadu atu halo konstrusaun ba jardim dos herois. Ho rajaun ne’e, Sekretariu Estadu Veteranu husu ba Prezidente Autoridade Munisipíu Covalima koordena ho Servisu Munisipál Terras no Propriedades atu halo mediasaun ho Grupu ne’ebé lakoi entrega rai ba estadu nune’e bele solusiona kestaun ne’e. Prezidente Autoridade Munisipíu Covalima relata ba Sekretariu Estadu Veteranu, iha loron 18 fulan Setembru semana oin ne’e, sei halo mediasaun ikus ho komunidade Dais, no sei bolu hotu Autoriade Postu Administrativu, Xefe Suku, Lia na’in no Prezidente Veteranu Covalima, Sekretariu Zona sira atu bele hetan solusaun. Molok ne’e, Sekretariu Estadu identifika rai iha Lo’okeu maibé tanba rai halai labele halo konstrusaun ba jardim dos herois, hafoin liu hosi enkontru ho Sekretariu Munisipál Planeamentu Integardu Dezenvolvimentu iha salaun AMC, mosu ideia ida ba rai RSS iha Dais suku Belecasac. Ho ida nee Sekretariu Estadu Vetrenau, hamutuk ho Terras Propriedades no ekipa sira imediata halo kedas observasaun ba ba rai ne’e bazeia ba mapamentu nebee maka iha, ho nunee Teras Propriedades halo survey iha loron 25 Abríl 2025. No loron 22 fulan Maiu kontinua mai hodi halo observasaun. Hafoin, iha loron 5 Juñu 2025, Sekretariu Estadu Veteranu ho ekipa hahú halo adat/ritual iha fatin refere, momentu ne’ebá komunidade ida-rua sira hatudu ba ekipa katak, fatin ida ne’e bele uza, liu hosi aproximasaun entre Sekretáriu Munisipál PDIM ho APA Postu Maukatar komunika katak, kada loron Sesta-feira halo limpeza. No hosi parte MACLN husu apoiu makina iha Instutu Jestaun Ekipamentus (IGE), hodi dudu rai refere iha loron 24 Juñu to’o loron 25 Fulan Jullu foin remata, iha duni grupu balun maka komplein ate sira lori advogadu ida ba iha neba, xefe suku rasik husu sira nia prezensa sira hatan, “lae ami la inpede imi nia atividade ami fo hatene deit katak kazu nee ami lori ba tribunal,” Depois de ida ne’e, liu semana ida iha loron 4 fulan Agostu mosu komunikadu imprensa hosi grupu balun hodi la fo rai ne’e ba estadu atu halo Konstrusaun ba Jardim dos Herois. Bazeia ba kestaun ne’e maka, SEV no PAM halo aproximasaun ho Autoridade Lokal no parte Terras Propriedades atu haree kestaun ida ne’e hodi solusiona. Enkuantu, Iha enkontru nee hetan partisipasaun másimu hosi, Prezidente CMCLN Covalima, Osório Soares "Mausoko", Adminstradór Postu Administrativu Maucatar Laurentino de Jesus, Sefe Suku Belecasac, Leonito Gusmão, Diretór Terras no Propriedades Carlos Caitano, Sekretariu Zona Agostinho Mendonça, Vise Sekretáriu Zona Sebastião Guteres. (𝐌é𝐝𝐢𝐚 𝐆-𝐒𝐄𝐕)
Data Publica : 10 Sep 2025
Descrisaun :
