𝐃í𝐥𝐢, 𝟑𝟎 𝐌𝐚𝐫𝐬𝐮 𝟐𝟎𝟐𝟔 - Ministru Komérsiu No Indústria, Sr. Nino Pereira, partisipa iha serimónia hatuur fatuk da-huluk ba konstrusaun parke industriál Munisipiu Manatuto,husi Empreza Esperansa Timor-Oan (ETO).

Manatuto sei sai hanesan infraestrutura modernu ne’ebé dezeña atu apoia empreza ki’ik no médiu sira, promove inovasaun, kriasaun empregu ba ema atus resin, no garante kompetitividade iha merkadu rejionál no internasionál.

CEO ba ETO Nilton Gusmão desktaka importánsia estratéjiku ba projetu ne’e ba futuru ekonómiku nasaun nian. "Ami nia vizaun klaru: kontribui hodi transforma Manatuto ba sentru industriál ida ho impaktu nasionál, liga ba produsaun, lojístika, agro-indústria, prosesamentu alimentár, no subtituisaun ba importasaun", nia deklara hodi reforsa kompromisu governu nian hodi promove dezenvolvimentu sustentável no hamenus dependénsia esterna.

Durante serimónia, iha debate interativu kona-ba;“𝘱𝘢𝘱é𝘭 𝘪𝘯𝘥ú𝘴𝘵𝘳𝘪𝘢 𝘯𝘪𝘢𝘯 𝘪𝘩𝘢 𝘥𝘦𝘻𝘦𝘯𝘷𝘰𝘭𝘷𝘪𝘮𝘦𝘯𝘵𝘶 𝘯𝘢𝘴𝘢𝘶𝘯”, ho partisipasaun hosi, Ministru Komérsiu no Indústria, Ministru Justisa, reprezentante Banku Mundiál, Prezidente CCI-TL, no Diretór Ezekutivu Tradelnvest TL.

𝘔𝘪𝘯𝘪𝘴𝘵𝘳𝘶 𝘕𝘪𝘯𝘰 𝘗𝘦𝘳𝘦𝘪𝘳𝘢 akresenta pontu importante sira hodi subliña katak eventu ne’e la’ós de’it serimónia simbóliku, maibé reprezenta mehi koletivu povu.

“Ohin loron orgullu ba ita hotu, eventu ne’e la’ós de’it serimónia simbóliku, maibé reprezenta mehi koletivu ba povu Timor-Leste ne’ebe Sr. Nilton hatudu ba sidadaun timoroan sira, hodi haree transformasaun ba sentru industriál ho impaktu nasionál, dala-barak ita ko’alia kona-ba diversifikasaun ekonómika, kriasaun empregu no loke dalan estratéjiku ba futuru, ho hatuur fatuk da-huluk, ita hahú transforma vizaun realidade” 𝗛𝗮𝘁𝗲𝘁𝗲𝗻 𝗠𝗶𝗻𝗶𝘀𝘁𝗿𝘂 𝗠𝗖𝗜 𝗶𝗵𝗮 𝗱𝗲𝗯𝗮𝘁𝗲

Nia subliña, Parke industrial ne’e hanesan simbolu ba inovasaun hodi hamenus dependénsia ba importasaun, no oinsa prepara-an hodi integra iha espasu ekonómiku ASEAN.

“Parke industriál ne’e la’ós de’it hanesan infraestrutura fízika, maibé sei sai hanesan símbolu ba ita-nia kapasidade atu halo inovasaun, atu prodús, no atu hamenus ita-nia dependénsia ba importasaun. Liuhusi investimentu sira ne’e ezije sakrifísiu no reziliénsia, ita prepara ita-nia nasaun atu integra tomak iha espasu ekonómiku ASEAN”

Projetu ne’e prevee instalasaun unidade industriál lima, hanesan fábrika produsaun ida ba kaixa sira, fábrika produsaun estrutura metal, fabrika prosesamentu sardina lata, fabrika prosesamentu na'an inklui fabrika prosesamentu hare.

𝙈é𝙙𝙞𝙖 𝙈𝘾𝙄