Dili, 27 Marsu 2026

Ministru Transportes no Komunikasaun, Eng.Miguel Gonçalves Manetelu, simu iha Audiensi, vizita kortezia husi Vise-Prezidente Banku Dezenvolvimentu Asiátika (ADB – Sigla Inglesh), Senhor Scott Morris.

Iha reuniaun kortezia ne’e, parte rua reafirma importánsia bá hametin parséria entre ADB ho Timor-Leste, liu-liu ho Ministériu Transportes no Komunikasoen.

Ministru Manetelu, agradese apoiu ADB nian iha Setór Transportes liu-liu iha Dezenvolvimentu no Expansaun Aeroportu Internasionál Prezidente Nicolau Lobato no reafirma komitmentu Governu Timor-Leste nian, hodi konklui projetu refere, tuir tempu ne’ebé determinadu ona.

Entretantu iha area Transportes públikas, Ministru Manetelu agradese bá apoiu ADB nian iha finalizaun Planu Mestre no Estudu Viabilidade Transportes Públikus.

Governante ne’e mós atualiza bá Vise-Prezidente Morris kona-bá progresu Dezeñu Enjineria Detailladu ne’ebé sai nu'udar komitmentu governu nian atu konklui antes bá prosesu tenderizasaun maibé mós permite bá preparativus paralelu hodi aselera konstrusaun no instalasaun fasilidades transportes públikus ho efisiente liu tan.

Iha tempu hanesan, Vise-Prezidente Morris aprésia bá Ministru Manetelu tanba assume papél importante hodi aselera projetu Dezenvolvimentu no Expansaun Aeroportu Internasionál Prezidente Nicolau Lobat

Projetu ida ne’e importante, liu-liu iha ámbitu preparativus bá simeira ASEAN ne’ebé sei mai.

Hanesan ne’e mós bá Transportes Públikus ne’ebé ho intensaun atu mellora diak liu fasilidades sira transportes públikus nian, wainhira sai uma nain bá ASEAN.

Parte rua re-intera importánsia bá investimentu stratéjiku ne’ebé lao dadaun no kontinua explora potensialiades hotu-hotu bá setór sira seluk iha futuru.

https://sdi.gov.tl/ministerio/presrealease/create 

𝐌𝐞́𝐝𝐢𝐚 𝐌𝐓𝐊