Dili, 27 Marsu 2026

Ministru Transportes no Komunikasaun, Eng.Miguel Marques Gonçalves Manetelu sesta ohin partisipa iha serimónia komemorasaun aniversáriu PNTL bá dala-26 (27 Marsu 2000 – 27 Marsu 2026) no posse bá Komandante Jerál foun, Komisáriu Assistente Afonso dos Santos ho Segundu Komandante PNTL foun, Komissária Assistente Natércia Eufrásia Soares Martins iha resintu Palásiu Governu ho integrasaun Timor-Leste nia bá ASEAN.

Iha rezolusaun Governu hato’o bá Komandante-Jerál atu haree seguransa rai laran, oinsá bele asegura estabilidade iha teritóriu nasionál no Segundu Komandante jerál bele haree fali bá kooperasaun internasionál kona-bá integrasaun iha ASEAN.

Timor-Leste nu’udár membru foun ASEAN, PNTL sei kumpri devér tuir saida mak fó ona, labele halimar tanba nu’udár membru foun PNTL bele responde ezijénsia sira husi ASEAN katak iha 2027 iha eleisaun Prezidensiál, 2028 eleisaun Parlamentár no 2029 Prezidénsia ASEAN ninian.

Primeiru Ministru Kay Rala Xanana Gusmão hateten Povu Timor-Leste hein hela PNTL bele responde situasaun difisil sira sei tuir mai ho di’ak ho PNTL nia dedikasaun nomos respeitu bá diretiu umanus ho nune’e PNTL nia servisu ne’ebé fundamental tebes bá iha estabilidade nasionál ho konfiasa ne’ebé maka povu fó.

Iha fatin hanesan Komandante Jerál foun, Komissáriu Assistente Afonso dos Santos konfiansa ne’ebé mak deposita bá sira, sira sei halo servisu ho konsiénsia tomak kona-bá responsabilidade ne’ebé tau iha kabaas, iha servisu bá Estadu no bá povu timor-leste.

https://sdi.gov.tl/ministerio/presrealease/create 

𝐌𝐞́𝐝𝐢𝐚 𝐌𝐓𝐊