𝗠𝗔𝗡𝗔𝗧𝗨𝗧𝗨, 𝗠𝗝 — 𝗦𝗲𝗴𝘂𝗻𝗱𝗮-𝗳𝗲𝗶𝗿𝗮, 𝟯𝟬 𝗠𝗮𝗿𝘀𝘂 𝟮𝟬𝟮𝟲, Sua-Eselénsia Ministru Justisa, Dr. Sérgio de Jesus Fernandes da Costa Hornai, hala’o vizita ofisiál ba edifísiu Terras no Propriedades hodi reforsa servisu iha Munisípiu Manatutu.

Objetivu hosi vizita ne’e, atu observa direta kondisaun infraestrutura no funsionamentu servisu sira, rona difikuldade ne’ebé funsionáriu sira hasoru, nune’e mós fó orientasaun hodi hatudu prestasaun servisu públiku ba komunidade.

Ministru Justisa hato’o parabéns ba funsionáriu sira hosi Diresaun Terras no Propriedades iha Munisípiu Manatutu, ne’ebé kontinua hatudu komitmentu no dedikasaun atu asegura prestasaun servisu terras no propriedades tuir lei ne’ebé vigora.