Dili, 28 Marsu 2026

Ministru Transportes no Komunikasaun, Eng.Miguel Marques Gonçalves Manetelu, partisipa jantar despedida ida bá Embaixadór Repúblika Indonézia iha Timor-Leste, Okto Dorinus Manik, iha Hotel JL World, Díli.

Jantar despedida ne'e oferese husi Vise-Primeiru-Ministru, Ministru Koordenadór bá Asuntu Ekonómiku no Ministru Turizmu no Ambiente, Dato’ Seri Francisco Kalbuadi Lay partisipa iha Jantar konfraternizasaun membru Governu balun, membru parlamentu , korpu diplomátiku no bainaka importante sira seluk.

Liuhosi Jantar ida ne’e governu liuhusi Vise-Primeiru-Ministru, Ministru Koordenadór bá Asuntu Ekonómiku no Ministru Turizmu no Ambiente hakarak hatudu apresiasaun bá kooperasaun servisu no kontribuisaun boot ne’ebé Embaixadór Okto hatudu durante nia misaun iha rai doben Timor-Leste.

Jantar ida ne’e hanesan despedida ho Embaixadór Okto tanba nia misaun sei remata no nia sei kontinua nia misaun iha Papúa Nova Guinea.

Okto Dorinus Manik hala’o nia misaun diplomátika iha Timor-Leste hahú husi fulan Novembru 2021 to’o fulan Marsu 2026.

Embaixadór Okto nia kontribuisaun bo’ot tebes bá iha hametin relasaun bilaterál entre Timor-Leste no Indonézia iha area kooperasaun sira maka hanesan ekonómia, sosiál, polítika no kulturál.

https://sdi.gov.tl/ministerio/presrealease/create 

𝐌𝐞́𝐝𝐢𝐚 𝐌𝐓𝐊