𝗗𝗶𝗹𝗶, 𝟯𝟬 𝗠𝗮𝗿𝘀𝘂 𝟮𝟬𝟮𝟲

Ministru Obras Públikas (MOP), Samuel Marçal, hala’o enkontru ho ekipa tékniku hodi diskute kondisaun estrada iha munisípiu Viqueque, liuliu estrada Asalaitula bá Ossu inklui Estrada urbana Viqueque, ne’ebé sei lansa iha tempu badak ne’e.

Projetu lansamentu estrada husi Asalaitula bá Ossu no Estrada Urbana Viqueque foin lalais ne'e tama ona iha prosesu finalizasaun no Governu prepara hela atu halo lansamentu rehabilitasaun hamutuk ho estrada urbana Viqueque.

Projetu sira-ne'e tama mós iha kategória "Projetu 2026" ne'ebé Governu liu husi Ministériu Obras Públikas tau ona osan hodi kontinua halo rehabilitasaun bá infraestrutura bázika iha teritóriu Timor laran.

Iha enkontru ne’e Ministru Obras Públikas orienta ekipa tékniku sira atu hahu’u halo preparasaun bá infraestrutra sira hodi kria kondisaun bá Timor-Leste bainhira atu sai uma nain bá reuniaun nivel ASEAN ne’ebé sei realiza iha tinan 2029.

https://sdi.gov.tl/ministerio/presrealease/create 

*𝗠𝗶́𝗱𝗶𝗮-𝗠𝗢𝗣*