𝘿𝙞𝙡𝙞, 30 𝙈𝙖𝙧𝙨𝙪 2026–Iha segunda-feira semana ne’e, Diretor Jeral Industria, Sr. Jorge Ferreira, hamutuk ho Diretor Nasional Dezenvolvimentu Industria Sr. Immanuel de Araujo Mendonsa no

Asesor Sénior Prinsipal, Asesor ba Fortalesimentu Institusinal Sr. Francisco da Costa Soares, Asesor Sénior Internasional ba Politika Públika Sr. Antero Veiga, Asesor Juridiku Internasional Sr. Jose Manuel Andrade,hala’o enkontru ho ekipa JICA, iha Sala Diresaun Jeral Industria, Bebora, Fomentu Mandarin, Dili.

Objetivu hosi enkontru ne’e reforsa parceria entre Ministériu Komérsiu no Indústria (MCI) ho JICA, hodi establese base forte ba implementasaun planu asaun manufatureira iha Timor-Leste.

Iha diskusaun ne’e foka ba kordenasaun tekniku atu implementa esbosu lei ba planu asaun manufatureira, ne’ebé sei envolve mos ministériu sira ne’ebé iha relasaun ho setor manufatureira.

MCI husu nafatin apoiu kontinua husi JICA iha programa formasaun tekniku no iniciativa koperasaun seluk ba futuru hodi aumenta kapasidade no sustenta desenvolvimentu industria manufatureira iha Timor-Leste.

Enkontru ne’e hatudu klaru esforsu MCI no JICA atu kontinua traballu hamutuk hodi fo direksaun klaru ba implementasaun planu asaun manufatureira no fo kontribuisaun ba dezenvolvimentu ekonomia nasional.

𝗠𝗲𝗱𝗶𝗮 𝗠𝗖𝗜