DILI, 31 MARSU 2026 – Ministru Juventude, Desportu, Arte no Kultura, Nelyo Isaac Sarmento, partisipa iha reuniaun koordenasaun importante hamutuk ho Vise-Primeiru-Ministru, Francisco Kalbuadi Lay, no Xefe Casa Civíl Prezidénsia Repúblika, Sra. Henriqueta da Silva.

Enkontru ne'ebé hala'o iha Palásiu Prezidensiál Aitarak-Laran ne'e, foka ba preparasaun másimu ba eventu boot tolu ne'ebé sei organiza iha loron 8 Agostu 2026:

Dili International Marathon – Promove desportu no turizmu desportivu.

Programa Siénsia ba Dezenvolvimentu – Inovasaun no matenek ba futuru.

Selebrasaun Natal ho Povu – Hametin identidade no unidade nasionál.

Vise-PM Francisco Kalbuadi Lay subliña katak eventu sira-ne'e estratéjiku tebes hodi:

Atrai investimentu estranjeiru;

Dinamiza ekonomia lokál;

Redus dezempregu;

Hatudu imajen pozitivu Timor-Leste nian iha nível internasionál.

"Paz, estabilidade no unidade nasionál mak sai baze fundamentál ba dezenvolvimentu sustentável," dehan VPM Kalbuadi.

MJDAK prontu atu servisu hamutuk nudar "Ekipa Ida De'it" (One Team) hodi asegura katak atividade desportivu no kulturál sira ne'e la'o ho susesu boot ba povu no nasaun.

Hamutuk ita harii nasaun ho unidade no dame!

#MJDAK #MídiaMJDAK #DiliMarathon #NatalHoPovu #UnidadeNasionál #TimorLeste #NelyoIsaacSarmento