Díli, 31 Marsu 2026 | 𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬 𝐄𝐧𝐠. 𝐅𝐞𝐫𝐧𝐚𝐧𝐝𝐢𝐧𝐨 𝐕𝐢𝐞𝐢𝐫𝐚 𝐝𝐚 𝐂𝐨𝐬𝐭𝐚, 𝐒.𝐇𝐮𝐭, partisipa iha enkontru ekipa Governamentál no instituisaun relevante sira hodi prepara ba realizasaun eventu nasionál tolu ne’ebé sei hala’o iha loron 8 fulan Agostu 2026 ne’e ne’ebé Lidera husi, S.E. Vise Primeiru Ministru no Ministru Koordenadór ba Asuntu Ekonómiku no Ministru Turizmu no Ambiente, Dato’ Seri Francisco Kalbuadi Lay, iha sala reuniaun Palásiu Prezidensiál, Aitarak Laran, Tersa-feira ne’e.

Prezidénsia Repúblika no Governu Timor-Leste, hala'o sorumutu plenáriu nível aas ida ohin iha Salaun Xina, Palásiu Prezidensiál Nicolau Lobato, ho objetivu atu koodena no organiza eventu estratéjiku boot tolu ne'ebé prevee ona ba tinan 2026..

Sorumutu ne’ebé lidera husi Sua Excelência Vise-Primeiru-Ministru ne'e nu’udar Reprezentante Governu nian no mós Prezidente ba Komisaun Organizadora, konta mós ho ministériu relevante sira, parseiru dezenvolvimentu, no reprezentante husi setór privadu sira. Sorumutuk ne’e sentra iha operasionalizasaun hosi akordu institusionál estabelese husi S.E. Prezidente Repúblika, Dr. José Ramos-Horta no S.E. Primeiru-Ministru Sr. Kay Rala Xanana Gusmão.

Kooperasaun ne’e ho objetivu atu organiza ho susesu Maratona Internasionál Dili 2026, Sumeira Siénsia ba Dezenvolvimentu, no selebrasaun tinan-tinan Natál ba Povu (Natal do Povo).

Xefe Casa Civil, Prezidénsia Repúblika, Sra. Henriqueta Maria da Silva, subliña katak eventu sira-ne’e sai hanesan plataforma estratéjika hodi promove estabilidade nasionál, unidade, no prestíjiu internasionál Timor-Leste nian.

Maratona Internasionál Dili, ne’ebé planeia ba loron 8 fulan-agostu, espera bele dada partisipante na’in 7.000 resin no sei foka espesiál ba konservasaun ambientál no floresta. Iha ámbitu ba preparasaun nian sei iha selesaun nasionál ho meia maratona ne’ebé sei hala’o iha loron 9 fulan-maiu.

Iha tempu hanesan, Simeira Siénsia ba Dezenvolvimentu sei lori loriadu Nobel na’in 30 no peritu internasionál sira mai Dili hodi diskute inovasaun no teknolojia, hodi reforsa Timor-Leste nia papél hanesan sentru ba diálugu globál bainhira nasaun ne’e la’o ba oin nu’udar membru plenu ASEAN.

Rezultadu signifikativu hosi sorumutu ne’e mak "institusionalizasaun" formál hosi projetu boot sira-ne’e iha estrutura permanente governu nian laran. Chefe Casa Civil Henriqueta da Silva esplika katak ekipamentu rejistu eletróniku no kronomitru (timing) modernu ne’ebé sosa ba maratona ne’e sei entrega ba ministériu relevante sira hodi garante kontinuidade profisionál iha tinan oioin mai.

Relasiona ho iniciativa “Natal do Povo”, koordenasaun entre Prezidénsia Repúblika no Governu hakarak reforça solidariedade sosiál no hakbesik lideransa polítika ba populasaun, hodi hatudu katak kooperasaun institusionál no harmonia polítika mak pilar fundamental ba dezenvolvimentu nasionál.

Entretantu,Partisipa iha Enkontru nee mak, Chefe Casa Civíl (CCC) Prezidénsia Repúblika (PR), Henriqueta da Silva, Membru IX Governu Konstituisionál, Reprezentante PNTL, Reprezentante FDTL, Lider Nasionál “ Jenerál (Ref.) Lere Anan Timur “, Membru Governu no entidades sira seluk.

Enkuantu remata ho enkontru ida ne'e 𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 Secretário de Estado das Florestas Eng. Fernandino Vieira da Costa, 𝐒.𝐇𝐮𝐭, kontinua partisipa reuniaun interministeriál hodi diskute asuntu ekonómiku no ASEAN nian ne'ebé lidera husi Vise-Primeiru-Ministru, Ministru Koordenadór ba Asuntu Ekonómiku no Ministru Turizmu no Ambiente, Dato’ Seri Francisco Kalbuadi Lay, iha Gabinete Vise-PM, Farol, Díli, Tersa, 31 Marsu 2026.