Asuntu : VMOH HETAN VIZITA EKIPA DENTISTA HUSI UNIVERSIDADE NASIONÁL SINGAPURA Dili, 09/09/2025; Vise-Ministru ba Operasionalizasaun Ospitál (VMOH-sigla portugés), dr. Flávio Brandão Mendes de Araújo hetan vizita husi ekipa dentista husi Universidade Nasionál Singapura (UNS) lidera husi Orthodontic module co-ordinato discipline of Orthodontics and paediatric dentstry Dr. Eugene Loh, iha knaar fatin Palácio das Cinzas, Caicoli. Iha vizita ne’e, UNS hakarak kolabora ho ministériu saúde hodi bele servisu hamutuk ho komunidade sira atu bele halo promosaun ligadu ho saúde orál nian iha komunidade. Antes ne’e ekipa dentista UNS hala’o ona vizita ba iha Venilale hodi haree fasilidade saúde sira ne’ebé foka ba saúde orál nian, nune’e ba oin bele servisu hamutuk ho komunidade hodi halo promosaun ba servisu ligadu ho saúde orál nian no halo prevensaun, edukasaun no promosaun saúde nian. Enkontru ne’e partisipa husi Diretora Gerál Servisu Hospitalár dr. Terlinda da Conceicão Barros, ekipa dentista husi Universidade Nasionál Singapura (UNS), Diretor Nacional Prevenção Controlo Doenças dr. Florindo Pinto Gonzaga, no mós ekipa gabinete VMOH.
Data Publica : 10 Sep 2025
Descrisaun :
