Díli, 31 Marsu 2026 | 𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬 𝐄𝐧𝐠. 𝐅𝐞𝐫𝐧𝐚𝐧𝐝𝐢𝐧𝐨 𝐕𝐢𝐞𝐢𝐫𝐚 𝐝𝐚 𝐂𝐨𝐬𝐭𝐚, 𝐒.𝐇𝐮𝐭, partisipa reuniaun interministeriál hodi diskute asuntu ekonómiku no ASEAN nian ne'ebé lidera husi Vise-Primeiru-Ministru, Ministru Koordenadór ba Asuntu Ekonómiku no Ministru Turizmu no Ambiente, Dato’ Seri Francisco Kalbuadi Lay, iha Gabinete Vise-PM, Farol, Díli, Tersa, 31 Marsu 2026.

Iha kontestu dezenvolvimentu ekonomia nasionál no preparasaun Timor-Leste atu integra iha ASEAN, presiza halo koordenasaun di’ak liu entre ministériu no sekretaria estadu sira ne’ebé iha responsabilidade iha área ekonómika.

Tuir Sua Excelência Vise-PM, MKAE no MTA, katak reuniaun interministeriál ne’e importante atu: Harmoniza polítika ekonomia entre instituisaun governu sira; Akompaña progresu servisu kada ministériu no sekretaria estadu; Diskute medida polítika atu responde ba situasaun presu produtu alimentáres; Asegura preparasaun no koordenasaun Timor-Leste nian iha prosesu integrasaun ASEAN.

Objetivu prinsipál husi reuniaun ne’e atu: Diskute proposta medida interventiva atu responde ba mudansa presu produtu alimentares iha merkadu nasionál; Husu relatóriu progresu servisu hosi kada ministériu no sekretaria estadu iha área ekonómika; Atualiza no avalia progresu Timor-Leste nian relasiona ho ASEAN, inklui preparasaun polítika no institusionál; Fortalesse koordenasaun interministeriál ba implementasaun polítika ekonomia governu.

Rezultadu esperadu husi reuniaun ida ne’e atu produz: Rekomendasaun polítika kona-bá medida interventiva ba presu produtos alimentares; Klarifikasaun kona-bá prioridade servisu kada ministériu no sekretaria estadu; Diresaun estratéjika kona-bá preparasaun Timor-Leste ba ASEAN; no Fortalesimentu koordenasaun interministeriál iha área ekonómika.