DÍLI, 31 MARSU 2026 – Pasu boot ida tan ba orden públika no dezenvolvimentu desportu iha Timor-Leste!

Sua Exelénsia Ministru Juventude, Desportu, Arte no Kultura (MJDAK), Nelyo Isaac Sarmento, hamutuk ho Ministru Interior, Francisco da Costa Guterres, aprezenta no debate Proposta Lei Nu. 24/VI (3.ª) kona-ba Rejime Jurídiku ba Prátika Arte Marsiais iha jeneralidade.

Rezultadu Votasaun iha Jeneralidade: 38 A Favor 0 Kontra 16 Abstensaun

Hafoin ida ne'e, Plenária mós aprova hodi hatun proposta lei ne'e ba Komisaun G (Edukasaun, Juventude, Kultura no Desportu) hodi hala’o diskusaun iha espesialidade hamutuk ho Komisaun A no B.

Objetivu husi Lei ne'e mak hodi kria regra ne'ebé klaru, asegura seguransa, no promove prátika arte marsiais nudar desportu ne'ebé fó valór ba dezenvolvimentu karakter juventude nian.

Sesaun ne'e prezide husi Prezidente Parlamentu Nasionál, Sra. Maria Fernanda Lay, no akompaña husi Vise-Ministru Asuntu Parlamentár, Adérito Hugo da Costa, inklui Prezidente KRAM, Octávio da Conceição.

Hamutuk ita dezenvolve desportu ho disiplina no dame!

#MJDAK #MídiaMJDAK #ArteMarsiais #ParlamentuNasionál #TimorLeste #NelyoIsaacSarmento