𝗗Í𝗟𝗜, 𝗠𝗝 — 𝗞𝗶𝗻𝘁𝗮-𝗳𝗲𝗶𝗿𝗮, 𝟭 𝗔𝗯𝗿𝗶𝗹 𝟮𝟬𝟮𝟲, Sua-Eselénsia Ministru Justisa, Dr. Sérgio de Jesus Fernandes da Costa Hornai, simu kordialmente Sra. Valeria Martano, reprezentante hosi Komunidade Sant’Egidio, iha sala sorumutu Gabinete Ministru Justisa, Colmera, Díli, ho objetivu atu hametin no aprofunda parseria institusionál entre parte rua.

Komunidade Sant’Egidio no Ministeriu Justisa, liuhosi diálogu konstrutivu no troka hanoin kona-bá área prioritária sira ne’ebé bele kontribui ba dezenvolvimentu servisu públiku no promosaun bem-estar ba sidadaun sira. Tanba akordu asina ona Ministeriu Justisa ho Komunidade Sant’Egidio iha loron 6 Fevereiru 2026 liubá. Espesífiku ba área rejistu sivil, apoiu tékniku no fasilita asesu sidadaun sira ba dokumentasaun sivil ho di’ak liután.

Iha enkontru ne’e, Ministru Justisa, Dr. Sérgio Hornai, akompaña husi Diretor Nasionál Polítika Justisa, Dr. Nelinho Vital; Diretor-Jeral Servisu Rejistu no Notariadu, Agustinho Gonçalves Vieira; no mós Diretor Nasionál Servisu Rejistu no Notariadu atu asegura koordinasaun no implementasaun efetiva ba programa ne’ebé diskute ona.

# 𝗠í𝗱𝗶𝗮 𝗚𝗮𝗯𝗶𝗻𝗲𝘁𝗲 𝗠𝗶𝗻𝗶𝘀𝘁𝗿𝘂 𝗝𝘂𝘀𝘁𝗶𝘀𝗮 #