Dili, 7 Abril 2026 – Ministériu Komérsiu no Indústria (MCI), liuhusi Diresaun Jerál Servisu Korporativu, organiza sorumutu estratéjiku iha sala enkontru MCI Fomento Mandarin hodi halo konsultasaun ba Planu Médium Prazu 2026–2030. Diskusaun ne’e foka ba pilár dezenvolvimentu ekonomia, hanesan parte fundamental ba diresaun politika públika iha setór komérsiu no indústria.

Reuniaun ne’e lidera husi Diretór Jerál Servisu Korporativu, 𝙇𝙚𝙤𝙣𝙖𝙧𝙙𝙤 𝙂𝙪𝙩𝙚𝙧𝙧𝙚𝙨 𝙙𝙚 𝘾𝙖𝙧𝙫𝙖𝙡𝙝𝙤, ne’ebé subliña importánsia koordenasaun no kolaborasaun intersetorial atu defini prioridade sira, ne’ebé liga ho papel estratéjiku Ministériu Komérsiu no Indústria nian.

Partisipa iha sorumutu ne’e Diretór Jerál Komérsiu, Diretór Jerál Indústria Interinu, Diretór sira husi Diresaun Nasionál, Xefe Departamentu sira, Xefe Gabinete V-MCI, no Asesor sira. Atmosfera diskusaun fó sinal klaru katak MCI hakarak fó prioridade ba transparénsia, inkluzaun, no konsolidasaun politika públika, atu sustenta dezenvolvimentu ekonomia.

𝙈é𝙙𝙞𝙖 𝙈𝘾𝙄