𝐃Í𝐋𝐈-𝐊𝐔𝐀𝐑𝐓𝐀, 𝟎𝟏/𝟎𝟒/𝟐𝟎𝟐𝟔.

Vise-Ministra Finansas, Regina de Jesus de Sousa, aprezenta projetu Dekretu-Lei ba Konsellu Ministru hetan ona aprovasaun kona-ba “Estinsaun Millennium Challenge Account -Timor-Leste, IP”, sorumutu iha Palásiu Governu.

Tuir desizaun hodi hakotu Akordu Kompaktu hosi Governu Estadus Unidus Amérika, ne’ebé prevee ona programa kooperasaun ida iha área bee, saneamentu no drenajen, no mós edukasaun, diploma ida-ne’e determina estinsaun ba entidade ida-ne’e, ne’ebé kria hodi garante ezekusaun hosi programa ne’ebé temi ona.

Diploma ne’e define prosesu estinsaun ida ne’ebé ordenadu, ne’ebé inklui likidasaun ba obrigasaun finanseira, jestaun no alokasaun patrimóniu, no mós devolve (fó fali) rekursus ne’ebé la uza ba Tezouru.

Prevee mós elaborasaun relatórius kona-ba atividades no rekursus ne'ebé sei iha, no mós konservasaun dadus programa nian hosi Ministériu Finansas durante tinan lima.

https://timor-leste.gov.tl/?p=48192&lang=tp