Asuntu : 𝐓𝐋- 𝐈𝐓𝐋 𝐓𝐑𝐈𝐒𝐀𝐊𝐓𝐈 𝐀𝐒𝐈𝐍𝐀 𝐓𝐄𝐂𝐇𝐍𝐈𝐂𝐀𝐋 𝐀𝐆𝐑𝐄𝐄𝐌𝐄𝐍𝐓 𝐊𝐎𝐍𝐀-𝐁𝐀 𝐁𝐎𝐋𝐒𝐔 𝐄𝐒𝐓𝐔𝐃𝐔 Jakarta, 09 Setembru 2025 – MTK, INAP no FDCH realiza ona serimónia asinatura bá Technical Agreemeent ho ITL Trisakti Jakarta tersa ne’e iha Auditorium Institutu Transporte Logistik TRISAKTI Jakarta. Bolseiru nain tolu ne’e sei kontinua sira nia estúdu Mestradu iha ITL Trisakti Jakarta, bolseiru nain tolu ne’e mak : Maria Filomena de Jesus Alves ho Alberto Freitas Pereira husi Diresaun Nasionäl Transporte Marítima (DNTM) , sei hala’o nia estudu iha area Manajemen Transporte dan Logistik no José Paulo Henrique Batista husi Diresaun Nasionál Transporte Terrestre (DNTT) sei hala’o estúdu iha Area Transporte Terrestres. Benefisiáriu sira ne’e hanesan funsionáriu Públiku husi Ministériu Transporte no Komunikasaun husi Diresaun Nasionál Transporte Terrestre (DNTT) no Diresaun Nasionál Transportes Maritima (DNTM). Fundo bá apoiu bolseiru sira mai husi Fundo Dezenvolvimentu Kapitál Umano (FDCH). Bolseiru sira sei hala’o sira nia estudu iha fulan setembru tinan ne’e. Asinatura Technical Agreeement ne’e reprezenta husi Diretór Jerál INAP, Policarpo Amilcar Boavida,SPd, husi MTK reprezenta husi Xefe Gabinete Planeamentu, Polítika, Kooperasaun, Eng.Fernando Carvalho Da Cruz, MM, Diretór Ezekutivu FDCH, Julio Aparicio no husi ITL Trisakti asina husi Rektor ITL TRISAKTI, Dr.Yuliantini, AMTrU, MM. Delegasaun ne’ebé maka akompaña iha serimónia refere husi Timor-Leste kompostu husi Diretora Nasionál Rekursu Umanos Ministériu Transporte no Komunikasaun, Lucia do Rosário Pereira, Xefe Departamentu Formasaun, Filomeno Gomes, Xefe Departamentu Formasaun Traballu, Jeneru no Inkluzaun Sosiál Ministériu Transporte no Komunikasaun, Arthur da Silva Amaral, Internál Audit husi INAP, Adidu Edukasaun husi Embaixada Timor-Leste iha Jakarta, Jaime Andre Simões. liuhosi asinatura ne'e governu da-sia liuhosi lideransa Ministru Transporte no Komunikasaun, Eng.Miguel Marques Gonçalves Manetelu fó prioridade bá iha kapasitasaun Rekursu Umanu mak sai hanesan Fatór Determinante Dezenvolve Nasionál *𝐌é𝐝𝐢𝐚 𝐌𝐓𝐊*
Data Publica : 11 Sep 2025
Descrisaun :
