07 Abril 2026: Ministra Saúde (MS) dr. Élia A.A. dos Reis Amaral, SH partisipa iha Serimónia Asinatura Memorandu Entendimentu entre Ministériu Solidariedade Sosial no Inkluzaun (MSSI) no Ministériu Saúde (MdS) ba Implementasaun Programa “Bolsa da Mãe Kondisionál Saúde Nutrisaun Inan Oan (SANUTRIO), Iha Salaun Enkontru MSSI.

MS iha nia diskursu “ohin ita selebra memorandu entendimentu ida ne’e entre MdS ho MSSI hanesan pasu signifikativu hodi haforsa kolaborasaun ba melloramentu nutrisaun no servisu protesaun sosiál ba komunidade vulnerável sira liu-liu inan isin-rua, inan-fó susu no labarik to’o tinan 3 hosi familia Vulnerável.

Atu reflete de’it katak papel MdS nian oinsá bele kuidadu ita nia oan sira liu-liu husi idade reprodutiva to sira sai inan no mós oinsa lori oan sira ba iha siklus da vida ne’e rasik.

MS mós fó agradese wa’in ba World Food Programe (WFP) tanba iha parte MdS nian iha operasaun balun ne’ebé mak importante teb-tebes ba saúde hanesan pakote alimentares, Konsulta pre no pos Natalis, Almamente eskluzivas, Avaliasaun nutriosionál ba labarik nomós halo partisipar ba kampaña no sensibilizasaun komunitária konjunta.

MS mós hatutan mal nutrisaun iha buat tolu de’it hanesan Desnutrisaun, Efisiénsia Mikronutriente no mós Obesidade, hosu ba Papel WFP, MSSI, MdS katak bainhira ita nia feto maluk ida mak gravida ne’e sira nia hormonas ne’e muda ba buat hotu-hotu, nutrisaun mós laos mai husi hahan de’it maibé mai husi Psikoloji”.

Partisipa iha Serinónia ne’e mak Reprejentente World Food Programe (WFP), Diretor Jerál/ Nasional, Xefi Departamento, Funsionariu, no Seluk-seluk tan.

#MídiaPalácioDasCinzas