Lautém, 07 Abril 2026| 𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬 𝐄𝐧𝐠. 𝐅𝐞𝐫𝐧𝐚𝐧𝐝𝐢𝐧𝐨 𝐕𝐢𝐞𝐢𝐫𝐚 𝐝𝐚 𝐂𝐨𝐬𝐭𝐚, 𝐒.𝐇𝐮𝐭, Hamutuk ho S.E. Secretário de Estado Pescas(SEP) Sr. Domingos da Conceição dos Santos, Entrega Bero Fibra hamutuk unidade (13) ba Prezidente Autoridade Munisípiu Lautém hodi fasilita ba grupu peskador sira hodi hasa'e produsaun ikan iha rai laran, Tersa-feira ne'e iha Edifísiu MAPPF, Munisípiu Lautém.

Intervensaun 𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬 informa Ministério da Agricultura, Pecuária, Pesca e Florestas(MAPPF), kontinua fahe ekipamentu ba peskador sira hotu tanba ne'e komprimisiu politika Nonu Governu Konstituisionál atu kapasita no ajuda peskador sira ne'ebé hela iha área kosteira no tasi ninin sira hotu atu utiliza ba peska nune'e bele hasa'e rendimentu ekonómia familia uma laran nian.

"Nudar peskadores ou benefisíariu sira tenke iha responsabilidade hodi utiliza ekipamentus hirak ne'e ho diak nune'e bele hasa'e rendimentu ikan ne'ebé mak iha nune'e bele sustenta familia uma laran nian nomós bele transforma hodi ba faan iha merkadu sira. Tanba ne'e mak benefisíariu sira tenke iha responsabilidade ba ekipamentus hirak ne'ebé ohin fahe nune'e bele dura mós ba tempu naruk" dehan S.E.SEF.

S.E. SEF, husu ba benefisíariu sira tenke utiliza ekipamentus sira ne'e ho diak lalika halimar no labele depende deit ba estadu, ita hakarak ikan sira ne'ebé faan sirkula iha rai laran ne'e tenke foti husi tasi ita nian, ita lakoi ikan sira ne'e importa mai hela deit husi rai liur, hanesan Indonesia iha NTT, Alor no Liran ne'e labele, ida ne'e mak akontese nafatin objetivu ita nia ukun rasik aan ida ne'e ita seidauk atinze, ho nune'e ita hotu espera katak apoiu hirak ne'e sei benefisia ba imi ho familia no ba komunidade sira ne'ebé hakarak han ikan.

Enkuantu ekipamentus pescas nian ne'ebé entrega ba Autoridade Munisípiu Lautém mak hanesan, pakote primeiru operasaun iha Kosta Súl, Bero Fibra de Vidro, ho Marka Kurita/MAPPF/SEP/2024 ho Unidade tolu(3), ho nia Asesoris kompletu, Makina Parsun 15 PK, ho unidade tolu(3), Tali 8 mm, ho marka PE(110 M) unidade 3, Tali 10 mm, ho marka PE(110 M) unidade 3, Life Jacket ho Marka atunas unidade sia(9), Ankora 10 Kg tolu(3) no puraun matan ho marka fibra do vidro ho nia unidade tolu (3).

Pakote segundu operasaun Kosta Norte, Bero Fibra de Vidro, ho Marka Eviota Santanai ho Unidade Sanolu(10), ho nia Asesoris kompletu, Makina Hidea 15 PK, ho unidade Sanolu(10), Tali 8 mm, ho marka PE(Rollo 1) unidade Sanolu(10), Tali 10 mm, ho marka PE(Rollo 1) unidade Sanolu(10), Life Jacket ho Marka atunas unidade Sanolu(10), Ankora 10 Kg Sanolu(10) no Puraun matan ho marka fibra do vidro ho nia unidade Sanolu(10).

Ekipamentu hirak ne'e ho nia assesoria parazen entrega ba Prezidente Autoridade Munisípiu Lautém. Ekipamentus hirak ne'e sei entrega tutan ba grupu peskadores husi Prezidente Autoridade Munisípiu Lautém, atu hadia pescadores sira nia vida moris inklui hasa'e produsaun e aumenta rendimentu ekonómika familia peskadores sira nian. Ministério MAPPF entrega ekipamentus hirak ne'e ba iha PAM bazeia ba proposta ne'ebé hato'o husi benefisíariu sira.

Remata ho atividade ne'e Sua Excelência sira kontinua hala'o nia viagen servisu ba partisipa Festival Kolleta Mecia iha Totina Valu-Sere, Postu Administrativo Tutuala, Munisípiu Lautém.