Díli, 01 Abril 2026: Sua Exa. Ministru Ensinu Superiór, Siensia no Kultura (MESSK), Dr. José Honório, akompaña hosi Dirijente sira MESSK nian, hala'o sorumutuk ho reprezentante hosi Universitas Negeri Surabaya (UNESA) Dr. Asrory, iha salaun enkontru Ministériu nian, Kolmera, Díli.

Objetivu hosi sorumutuk ida ne'e maka hala’o diskusaun kona-ba implementasaun programa “𝑱𝒐𝒊𝒏𝒕 𝑭𝒖𝒏𝒅” entre MESSK ho UNESA ba iha area prioritáriu sira hanesan edukasaun, ekonomia, digitalizasaun no sira seluk. Iha tempu hanesan, MESSK ho UNESA deskuti mos kona-ba atribuisaun bolsa estudu ho modo “virtual/on-line” ba iha area importante sira.