Dili, loron 07 abríl 2026 - Sua Exelénsia Ministra Edukasaun Dra.Dulce de Jesus Soares ho Embaixadór Austrália Interinu Sr. Edward Wilkinson, reprezenta DFAT nomós Diretór PHD Sra. Mel Mousaco ensera programa partnership for human development (PHD) iha hotel Palm Sprint Fatuhada.

Iha diskursu Sua Exelénsia Ministra Edukasaun Dra.Dulce de Jesus Soares dehan, ohin halibur hamutuk atu halo serimónia agradesimentu no enserramentu ba programa PHD. Loos duni sente saudades tanba tinan sanulu hamutuk no programa ne'ebé halo hamutuk sai buat foun ba Timor - Leste.

" Prinsipalmente ita hahú hamutuk programa mentoria ne'ebe antes ema labele imajina Liuhusi programa ne'e ita mós hahú uza IT iha setór edukasaun no ida-ne'eiha momentu ne'ebá sai buat boot no inovador . Eskola sira simu livru kurrikulár sira tanba apoiu hosi PHD , no ita mós iha kuadru pesoal ba eskola ida-idak no hahú halo rekrutamentu pur méritu ba manorin sira maibe ho suporta hosi PHD", tenik SE. Ministra

Lider másimu edukasaun ne'e argumenta, INFORDEPE mós agora iha planu estratejiku tanba apoiu hosi PHD no hahú iha dalan atu implementa ho di'ak liután tanba parseria ho Singapura , ne'ebé mós suporta husi PHD no hamutuk halo buat barak durante tinan 10 ne'e , nofiar katak edukasaun iha Timor - Leste aumenta kualidade durante tinan 10 ne'e.

" Ha'u mós haree enserramentu programa ne'e nu'udar oportunidade atu renova kompromisu entre Governu Austrália no Ministériu Edukasaun Timor- Leste atu halo serbisu ho efetivu liután durante programa foun" SE. Ministra Esplika.

Programa foun ne'e mós loke oportunidade tan ba Ministériu tanba bazeia ba programa ne'e hetan subvensaun multiplier GPE nian , ne'ebé atu hahú implementasaun entre fulan 2 nia laran Nune'e, konsidera parseria entre Governu Austrália no Ministériu Edukasaun buras liu duke uluk , no fiar katak sei konsidera atu sai metin liután durante implementasaun ba programa foun.

#EliasdaCosta

#MédiaME